Atuqtakhat Piyumadjutikhatlu

IKAYUUTIKHAT IHUAQTUMIK AUALTJUTIKHANUT ATUQNIRMUT

Piqaqtuq amihunik ikayuutikhanut aulatjutinut. Nunavunmiutat ukuat ihuaqtumik piinnariaqaqtangit atuqluarungnairumik aulatjutinik:

  • Maningnik atuqluaruiqnirmut – Akikhiyuuminginnariaqaqtat akikhait uunaqutikhangnut, alruyakturtunut uqahuqyuarnullu akiligakhat. Maningnik atuqluaruiqniaqtutit munaritjutikhanut himmiutikhanullu pauwaturluarnaittumut tamayanut atuqluaruirungni.
  • Mikhilaaqlugit pitjutingit nunamut Pinikhiyuumiyumiklu Avatingnut – Mikhilaaqlugit atuqpagainnut aulatjutikhanut hilamut halummautivaktuq. Ikikliyuumivlutik halumairutivaktut puyuum aniarutaanut aalaniklu mikiyunnuanik halumaittunut aniavaktunut hilamut taimaa ikitqiyamik uqhuryuat ikuallaluayunmata aulatjutiliuriami. Nunakput, imak hilalu halummakpallianiqtuq aanniarnaittumiklu.
  • Hilaup Aalannguqtirninganut – Amigaikpalliagaangat atuqtavut aulatjutit, amigaikpalliavaktut uqhuryuat ikualaaqtitpaktavut. Uqhuryuat ikayuutauyut nunakyuami hilaup aalannguqtirninganut, pitjutauliktuq Nunavunmiutanut. Uvapta tamapta mikhilaaqtaaqtakkut atuqtavut puyuum anialailaqutaapuyuut anianiit ikayuutauyut hilaup aalannguqtirninganut mikhilaaqhugu aulatjutikhat.
  • Maniliurpallianirmut – Atuqpalliahuirniq aulatjutikhanik maniliuqnaqtuq aturiami aalanut havaakhanikpallialunilu. Kavamatkut atuqluangitpata aulatjutinut aulatjutikhanullu ikayuutikhanik, manikhanikpaktuq aturianginni aallanut havaktauyakhanut havaktanginnullu.
  • Havaakhanikluni – Tamainnut, havaaakhat amigaikpallianiaqtut, tahapkunungalluaq hanayunut, hunavaluliuqtunut qauyihainirmullu ilittuqhaiyunut. Uumatut, nappaktirupta aulatjutinut atulluangittunik iglukpanik, pipqainiaqtugut naguutqiyamik havaakhaliurianginni.
  • Mikhivalliavlugu Munaritjutikhat Iglukpanut – Uumunga Nunavutip angikliyuumiliktumut inugiatilaanganut, atuqtitpiaktavut tatja atuqtaptingnik aulatjutikhanut iglukpanut. Angikliyuumivlutik piyumayanginnut iglukpanut, havakhimmaaqniaqtut munaritjutikhanut auluapkahimmaarianginni. Kihimi, inuit ikayuyuitpata atulluaqhimaittumik, mikhilaaqniaqtut munaritjutikhat pauwatuqtuqtunik iglukpanut.
  • Mikhilaaqhugu Akituyunut Nutaanut Aulatjutikhanut Aulapkaitjutikhanik – Pititlugit Nunavunmiutat atuqhimmaalikhutik aulatjutinik, angikliyuumiyakhaliktavut pigiyaptingnut aulautjutinut aulapkaitjutikhanut ihuaqtumik pilugit angikliyuumiliktunut piyumayanut. Imaatut akituqpiaktuq akikhiyuuminiaqhutiklu aulatjutikhat Nunavunmiutanut. Atuqluaruiruptigit mikhilaaqlugit, aturaaqpakniaqtavut tatja atuqtavut aulapkaitjutikhat angiklitikhimaittumik.

 

Ikummadjutinut Akittuqpallangitaangani Ihumaliurutit

Himauhiqlogin quliin hanianiitun anitiqviin atuqhaalaaqtonik, alruyaqtuqpalaagitoniklo LED-­nik anitiqviin naunaipkutain.