Nunallaani

Naunairyuumirumaguvit Aulapkaitjutinik aturninnganik nunagiyarni naqillugu nunauyaq hamna ataani atiliurhimayumulluuniit taliqpiarni.

Nunavummiut aturninnga Aulapkaitjutinik amigaittunik aatlatqiinguyumik. Atuutilluaqtauyuq Aulapkaitjutinik atuqhuni pauwaqtuutimik iglukni havakvikmiluuniit, uunaqutit igluptikni ukiumi, akhaluutiturniqluuniit apqutini maniqqamiluuniit.

Pauwaqtuutiniq pipkaitjutauyuq Qulliq Alruyaqtuqtunik Ikumajjutiitkunnit, aatlatqiinguyullu akinginnik piyut kiumi nunagiyarni kitulu naunaitkutingani ittutit. Una uuktuutigilugu, nunagiyamini atuqtuq Pangniqtuumi akiliqniaqtuq 65.74 cents atauhiqmi kilowatt-hour (kWh), taimaa nuangiyamini atuqtiuyuq Pangiqtuumi akiliqniaqtuq 58.66 cents atauhiqmut kWh. Unalu, ikayuutikhat tuniyauvaktut ikikliyuumiutigiami akinga Aulapkaitjutinik; nunagiyamini atuqtuq tamainni nunavunmi, una uuktuutigilugu, pivaktut 30 cent atauhiqmi kWh ikayuutikhamut. Iluittumik atiliuqhimayunik nunallaani pauwaqtuutimut akinginnut, takulugu Qulliq Alruyaqtuqtuniup qaritauyakkut pulaarvinganik.

Uunaqutit urhuqyuat tuniyauvaktut nanminiqaqtunut kuapuriisingit Iqalungmi, Iqaluktuutiami, Nunavut Kavamatkunnilu kaantraktut nunavunmi. Akinga uunaqutip piyuq akinganut piyamiknit Nunavut Kavamatkut niuviriami agyariamilu urhuqyuangit nunavunmut, taimaa uunaqutit urhuqyuap akingit aatlauniaqtut nunallaatigut atuqtuplu naunaitkutinganit.

Unalu, sikiituut akhaluutit haantamut urhuqyuat (kaasiliingit, urhuqyuat, tingmitit urhuqyuangit) tuniyauvaktut Nunavut Kavamatkunnit, akingillu piyut angiyunik niuviqtut agyaqtuutinganiklu akikhaanik. Nunagiyamikni kaantraktut ukunatitut nunami ittut kaasiliiqarvingit munariyakhaa kaasiliqtarvinga.