GN-kunni Havaqatigiit

Havakviinit Kavamatkut Nunavunmi, qaffiuyut havakviit aviktuqhimayumilu kuapuriissat munaqtiuyut alruyaqturnikkut ikayuqtinik aviktuqhimayumi. Naqillugit atiit nanminiqaqtut ilitturittiariami.

CGS-kut munarivaktait GN-­kut nanminiit, kavamatkut niuviqtarniit, titiraliqivaghutik qulliqtuutinik, atuqtittivalliavaghutik alruyaqtuqtunik atuqtailivallaarniqmik kavamatkut havakviinit, niuviqtaqpaghutik uqhuqyuanik. CGS-kunnit malruuyut havakvilluat munaqtit alruyaqturniqmut havaaghanik: taapkua Alruyaqtuqtunik Ikayuqtit Havakviat taapkualu Uqhuqyualiqiyit Havakviat.

Alruyaqtuqtunik Ikayuqtit Havakviat
CGS-­kut Alruyaqtuqtunik Ikayuqtit havakviat havaktiulluaqtut alruyaqtuqtunik atuqtailivallaaqniqmik atuqtarniqmiklu pivighanik kavamatkut havakviinit talvuuna Nunavunmi Alruyaqturniqmut Munaqtit Havaaghanit (NEMP). Talvuuna Iqalungni Uuktuqtauyut Ahiqquiyaqhutik Havaaghakkut (aullaqtitauhimayuq NEMP-­kut), 40-nguyut GN-kut nanminiit ikluqpautait hanatqighimayut atuqtailivallianahuaqhutik alruyaqtuqtunik, uqhuqyuanik imarniklu. GN-­kut atuqpallianahuaqtullu aallanik ingilratjutinik Nunavunmi. Hiqinirmit Huanngaqtunit Talukuyaaqaliqtut talvani Baffin-mi Aviktuqhimayumi Aanniaqvianit uunaqutigiplugu, imaalu Hiqiniqmit Uunnaktaqtuniklu Imarnik (DHW) iliuraqhimaliqtut pingahunit ahinit GN-­kut havakviinit. Hapkua havaanguyut munaqtauvaktut naunaiqhivigiyumaplugit atuqpauhiit Ukiuqtaqtumi.

Uqhuqyualiqiyit Havakviat

Taapkua Uqhuqyualiqiyit Havakviat (PPD) ilagiyaat Kavamatkut Nunavunmi Havakviat Nunallaarmiut Kavamatkunnilu Ikayuqtiit. PPD‐kut munaqhivaktut uqhuqyuaqutainik tamangnik Nunavunmi nunallaarnit niuvvaaviittunik uqhuqyuanik (taapkuatut Esso, Shell, hunaniklu). Havaaghait PPD‐kut taapkuanguyut:

A) Niuviqtarniqmik, agyaqtarniqmik, payuktarniqmik, tutquumanirmik, tuniqhainirmiklu niuviqtittinirmiklu uqhuqyuanik nunallaarmiunut Nunavunmi amirnaittukkut, akikinniqhakkut, ihuarnikkut munattiaqhutik; imaalu/p>

B) Amigaqtailinahuaqhutiklu uqhuqyuanik (taapkuatut kaassiliit, uqhuqyuat, Jet A-1, hunaniklu) amigaqtailinahuaqhugit atuqtunut hivunighamilu havaaghanut Nunavunmi.

Auyaraangat hikuillaktilluni, uqhuqyuat agyaqtauvaktut tamangnut nunallaanut umiakkut tutquumavaghugit angiyunit qattaryungnit hinaani. Nunallaarmiunik havaktiqaqpaktut ilihaqhimayut Agyaqtarniqmik Uqhuqyuanik agyaqtaqpaghutik niuviqtittivaghutiklu nunallaarmiunut ukiuq atuqtillugu.

Naunaittiarumaguffi, takulugu CGS-­kut qaritauyakkuurutait

Qulliq Alruyaliqiyit Kuapuriissat (QEC) aviktuqhimayumi kuapuriissauyut nanminiriyaupluni tamaat Kavamatkunnit Nunavunmi. QEC-­kut aulatjutiulluaqtut, ingilrayuliqiyiulluaqtut, tunihiulluaqtiuplutik alruyaliqiyit Nunavunmi.

Alruyaqtuutit Nunavunmi aulavaktut agyaqtaqhutik utuqqamiutanik uqhuqnik, uqhuqyualluanik. Qulliq Alruyaliqiyit alruyaliqiyiulluaqtut Kanatami tutqighaqhimaittunik pivighaittutik imaalu aviktuqhimayumi alruyaliqiyiittutik, taimaa uqhuqyuat ihariagivagait. Tamangnik nunallaat Nunavunmi ilikkuuqtunik alruyaliqiviqaqtut aulaviqaqhutik. Aallanik atuqtaghaittut.

Tajja haniani 16,680­‐nguyut alruyaqtuqpaktut Nunavunmi. Alruyaqtuutit aulapkaqtauvaktut Nunavunmiunut aulapkaiplutik 26-­nik alruyaliqivingnik uqhuqyuaqtuqhutik 25-nit nunallaanit. Ingniqutituqtut, alruyaliqiviillu aulapkaqtauvaktut pingahunit aviktuqhimayumi havakviinit, titiraliqivaghutik Kuapuriissat havaaghainik havakvilluanganit Qamanittuami havakviinillu Iqalungni.

Qulliq Alruyaliqiyit Kuapuriissat kuapuriissauyut aulavaghutik ataagut taapkua Qulliq Alruyaliqiyit Kuapuriissat Maligaigut alruyaqturniqmullu akighait aulapkaqtauvaktut talvuuna Alruyaqturniqmut Akighainik Ihivriuqhiyit Katimayiralaangit Maligaitigut.

Naunaittiarumaguffi, takulugu QEC-­kut qaritauyakkuurutait.

Nunavunmi Ikluliqiyit Kuapuriissat (NHC) havaghimmaaqpaktut ikluqpaghailliurniqmik Nunavunmiunut ikluqaqtitpaghutik talvuuna Inungnut Ikluliqiyit havaaghaigut, GN-­kut Havaktiit Ikluqpaghaitigut, qaffiniklu nanminiqarnikkut ikayuqtiuplutik.

Inuit ikluqpautait aulapkaqtauvaktut talvuuna Munaqhinirmut Angirutaigut taapkualu NHC-­kut 25-­nguyunit nunallaarmiut ikayuqtiigut, Nunallaarmiut Ikluliqiyiigut (LHO). Inuit ikluqpautait 50%-­nguyut tamarmit Nunavunmi. NHC-kut munaqtiuvaktuttauq Kavamatkut Nunavunmi Havaktiit Ikluqpautainik atuqhugit GN‐kut Havaktiit Ikluqpautait Maligaghaigut. GN-­kut Havaktiit Ikluqpautait 13%-­nguplutik Nunavunmi.

Katillugit inuit ikluqpautait GN-kullu ikluqpautait, Nunavunmi Ikluliqiyit Kuapuriissat munaqtiulluaqtut alruyaliqinirmik 63%-nguyunut ikluqpautainik Nunavunmi. Tamatkiumaplugit taapkua alruyaliqiniq uunaqutiniklu. Ahiaguttauq, NHC-kut titiraliqivaktut qaffinik nanminiqaqtunik ikayuqhutik atuqtailivallianahuaqhutik alruyaqtuqtunik taapkuatut Nanminilgit Uqhuqyuat Qattaryuit Himmiqtittinirmik taapkuninngalu Nanminilgit Ahiqquiyaqniqmut Havaaghaigut.

Naunaittiarumaguffi, takulugu qaritauyakkuurutait.

Havakviat Avatiliqiyit (DOE) munaqtiulluaqtut amiqhiniqmik, atuqtittivallianiqmik, aulapkainiqmiklu pivighanik Nunavunmi. Havakviat Avatiliqiyit aulapkaivaktut amihunik aulaniqmut havaaghanik taimaa munattiarumaplugit pivighavut.

Munaqtiuvaktullu havaaghanik alruyaqturniqmut uqhuqyuaqturniqmiklu Nunavunmi, Havakviat munaqtiuvaktullu atuqtittinirmik Nunavunmi avatiliqinirmut maligainik maligaghainiklu, taapkuninngalu Avatiliqinirmut Amirnaiyarniqmut Maliganik taapkuninngalu Kuviyuqaqnirumi Parnaiyaiyit Ilittuqhitinirmullu Maligaghainik. Havaaghariplugit, DOE-­kut munaqhivaktut ihivriuqhivaghutik amirnaqtunik kuviyunik, ilihaivaghutik kuviyuqarniqpat kiutjutinik, aulapkailiqhutik aimavingnit uunaqutiinik uqhuqyuanut qattaryuinik ihivriuqhivaghutik akiittumik ihivriuqhugit qattaryuit iliurattiariaghait.

Havakviittauq aulapkaivaktut havaaghanik hila aallannguqtaqtumi atuqtaghanik aullaqtittivaghutiklu Kavamatkunni Nunavunmi havaqatigivaghugit nunallaat ahiillu nanminilgit havaktighaqhiuqhutik Nunavunmiunik ayuqnaiyarahuaqhugit mihingnautit hila aallannguqtaqtumi.

Naunaittiarumaguffi, takulugu qaritauyakkuurutait

Havakviulluaqhuni, Havakviat Maniliqiiyit unniqtuivaktut Ministamut Maniliqiyinit Maligaliuqtillu Maniliqiyit Katimayiinik maniliqinirmut manighaliurniqmullu maligaghainik, titiraliqiuplutik Nunavunmi akiliqtaghainik, munaqhivaghutik GN-kut atuqtaghainik maningnik ukiumi, ikayuqpaghugit maniliqinirmut havauhiinik GN-kut havakviinit inuillu ikayuqtiinik, havakpaghutiklu ihumaliuttiarahuaqhutik Kavamatkut Nunavunmi kivgaqtuttiarahuaqhutik ihuaqtukkut ilitturinnaqtukkullu.

Maniliqinirmut Manighiurniqmullu Maligaghait havakviat havaqatigivagait havakviit ilitturittiaquplugit maniliqiniqmut manighaliuqniqmullu maligaghaliuqtaghanik, taapkuatut alruyaqtuqtunik ikayuutighanik. Havakviktauq Maniliqiyit havakpaktuttauq akighinahuaqhugit alruyaqtuqtunut aviktuqhimayumi ikayuutikkut akighilaarahuaqhugit nanminiqarniq mikiyunullu hannavingnik nanminirnik.

Naunaittiarumaguffi Havakvianik Maniliqiyit atuqtaghainiklu atuinnarialgit, takulugu qaritauyakkuurutait.

Ikummadjutinut Akittuqpallangitaangani Ihumaliurutit

Himauhiqlotin kaimaloriktunuin quliin ikumayutinik atuqpalaagitonik quliqnik, qaraqnahaaqniaqtun. Atauhiq 20-min 25-mun watt-goyuq quliq alruyaqtutinik quliq qaumaniqaqtuq ayikutaanik 100 watt-goyum qulium.