ᓄᓇᓖᑦ

ᑐᑭᓯᒋᐊᒃᑲᓐᓂᕈᒪᒍᕕᑦ ᐊᐅᓚᔪᓐᓇᐅᑎᒧᑦ ᐊᑐᕐᓂᕐᒥᑦ ᓄᓇᓕᒋᔭᕐᓂ ᓇᕿᓪᓗᒍ ᓄᓇᖖᒍᐊᖅ ᐊᑖᓂ ᐅᕝᕙᓘᓐᓃᑦ ᑎᑎᕋᖅᓯᒪᔪᑦ ᑕᓕᖅᐱᖓᓂ.

ᓄᓇᕗᒻᒥᐅᑦ ᐊᑐᓲᑦ ᐊᐅᓚᔪᓐᓇᐅᑎᒥᑦ ᐅᓄᖅᑐᒃᑯᑦ ᐊᔾᔨᒌᖏᑦᑐᑎᒍᑦ. ᐊᑐᖅᑕᐅᒐᔪᓛᖑᔪᑦ ᑎᒍᖃᑦᑕᖅᑕᕗᑦ ᐊᐅᓚᔪᓐᓇᐅᑎ ᐊᑐᖅᑎᓪᓗᑕ ᓱᑲᓐᓇᖅᑐᒥᑦ ᐊᖏᕐᕋᒥ ᐃᖅᑲᓇᐃᔭᕐᕕᖕᒥᓘᓐᓃᑦ, ᐅᖅᑰᓴᕐᖢᒋᑦ ᐊᖏᕐᕋᕗᑦ ᐅᑭᐅᒃᑯᑦ, ᐊᒻᒪᓗ ᐊᖁᖦᖢᒋᑦ ᐃᖏᕐᕋᔾᔪᑏᑦ ᓄᓇᓕᖕᓂ ᐅᕝᕙᓘᓐᓃᑦ ᓄᓇᒥ.

ᓱᑲᓐᓇᖅᑐᑦ ᐱᑎᑕᐅᔪᖅ ᖁᓪᓕᖅ ᐊᐅᓚᔪᓐᓇᐅᑎᓄᑦ ᐱᖁᔭᖅᑎᒍᑦ ᑎᒥᕈᖅᑎᑕᐅᓯᒪᔪᒧᑦ, ᐊᒻᒪᓗ ᐊᔾᔨᒌᖏᓐᓂᖃᕐᖢᓂ ᐊᑭᖓ ᒪᓕᒃᖢᒋᑦ ᓇᓃᓐᓂᖓ ᓄᓇᓕᒋᔭᑦ ᐊᒻᒪᓗ ᖃᓄᖅ ᐊᑭᖓ ᐋᖅᑭᒃᓯᒪᓂᖓᓄᑦ. ᐆᒃᑑᑎᒋᓗᒍ, ᓄᓇᖃᖅᑐᖅ ᐊᑐᖅᑎᐅᔪᖅ ᐸᖕᓂᖅᑑᒥ ᐊᑭᓖᔭᕆᐊᓕᒃ 65.74 ᓴᕕᕋᔭᑦ ᐊᑕᐅᓯᕐᒧᑦ ᓱᒃᑲᓂᖓ-ᐃᑲᕐᕋᒧᑦ (kWh), ᑮᓇᐅᔭᓕᐅᕋᓱᒃᑎ ᐱᔨᑦᑎᕋᖅᑕᐅᔪᖅ ᐸᖕᓂᖅᑑᒥ ᐊᑭᓖᓗᓂ 58.66 ᓴᕕᕋᔭᑦ ᐊᑕᐅᓯᕐᒧᑦ ᓱᒃᑲᓂᖓ-ᐃᑲᕐᕋᒧᑦ. ᐃᓚᒃᑲᓐᓂᕐᓗᒍ, ᐃᑲᔫᓯᐊᑦ ᐱᑎᑕᐅᓲᑦ ᒥᒃᖠᒋᐊᖁᓪᓗᒍ ᐊᑭᖓ ᐊᐅᓚᔪᓐᓇᐅᑎᐅᑉ; ᓄᓇᖃᖅᑎᐅᔪᑦ ᐊᑭᓕᖅᓱᖅᑎᑕᐅᔪᑦ ᑕᒪᐃᓐᓂᒃ ᓄᓇᓕᖕᓂ, ᐆᒃᑑᑎᒋᓗᒍ, ᐱᑎᑕᐅᓗᓂ 30 ᐃᓚᖓᓂ ᓱᒃᑲᓂᖓ-ᐃᑲᕐᕋᒧᑦ ᐃᑲᔫᓯᐊᕐᒥ. ᑕᒪᐃᓐᓄᑦ ᑎᑎᕋᖅᓯᒪᔪᓄᑦ ᓄᓇᓕᖕᒥ ᓱᑲᓐᓇᖅᑐᓄᑦ ᐊᑭᓂᑦ, ᑕᑯᒋᐊᕐᓗᒍ ᖁᓪᓕᖅ ᐊᐅᓚᔪᓐᓇᐅᑎᓄᑦ ᐃᑭᐊᖅᑭᕕᒃ.

ᐅᖅᑰᓴᐅᑎᒧᑦ ᐅᖅᓱᐊᓗᒃ ᐱᑎᑕᐅᔪᖅ ᓇᖕᒥᓂᖃᖅᑎᐅᔪᓄᑦ ᓄᓇᓕᖕᓂ ᐃᖃᓗᖕᓂ ᐊᒻᒪᓗ ᐃᖃᓗᒃᑑᑦᑎᐊᒥ, ᐊᒻᒪᓗ ᓄᓇᕗᒻᒥ ᒐᕙᒪᒃᑯᓐᓄᑦ ᑳᓐᑐᐊᒃᓯᓲᓄᑦ ᑕᒪᐃᓐᓂᒃ ᐊᓯᖏᓐᓂ ᓄᓇᓕᖕᓂ. ᐊᑭᖓ ᐅᖅᑰᓴᐅᑎᒧᑦ ᐅᖅᓱᐊᓗᒃ ᐃᓚᖃᕐᒪᑦ ᐊᑭᖓᓂᑦ ᐋᖅᑭᒃᑕᐅᓯᒪᔪᖅ ᓄᓇᕗᒻᒥ ᒐᕙᒪᒃᑯᓐᓂ ᓂᐅᕕᕐᓂᕐᒥᑦ ᐊᒻᒪᓗ ᑎᑭᑎᑦᑎᓂᕐᒥᑦ ᐅᖅᓱᐊᓗᖕᒥᑦ ᓄᓇᓕᖕᓄᑦ, ᑕᐃᒪᐃᒻᒪᑦ ᐅᖅᑰᓴᐅᑎᒧᑦ ᐅᖅᓱᐊᓗᒃ ᐊᑭᖏᑦ ᐊᔾᔨᒌᒐᔭᖖᒋᑦᑐᑦ ᓄᓇᓖᑦ ᒪᓕᒡᓗᒋᑦ ᐱᔨᑦᑎᕋᖅᑕᐅᔪᓪᓗ ᖃᓄᐃᓕᖓᓂᖏᑦ.

ᐊᔾᔨᕐᓚᖓ, ᑎᑭᑎᑕᐅᖃᑦᑕᖅᑐᑦ ᐅᖅᓱᐊᓗᐃᑦ (ᐅᖅᓱᖅ, ᑭᓂᖅᑐᖅ ᐅᖅᓱᖅ, ᐅᖅᓱᐊᓗᒃ ᖃᖓᑕᓲᓄᑦ) ᐱᑎᑕᐅᔪᑦ ᓄᓇᕗᒻᒥ ᒐᕙᒪᒃᑯᖏᓐᓄᑦ, ᐊᒻᒪᓗ ᐊᑭᖓ ᐃᓚᒋᔭᐅᓪᓗᓂ ᐅᒥᐊᕐᔪᐊᓄᑦ ᓄᖅᑲᖅᑕᕐᕕᖕᓄᑦ ᓂᐅᕕᕐᓂᕐᒥ ᐊᒻᒪᓗ ᑎᑭᑎᑕᐅᓂᖓᓄᑦ ᐊᑭᖏᓐᓂᑦ. ᓄᓇᓕᖕᒥ ᑳᓐᑐᐊᒃᓯᓲᑦ ᓲᕐᓗ ᓄᓇᓕᖕᒥ ᐅᖅᓱᕐᓄᑦ ᐄᖅᓯᕐᕕᒃ ᑲᒪᒋᔭᖃᓕᖅᖢᑎᒃ ᐱᑎᑦᑎᓂᕐᒥᑦ ᐅᖅᓱᐊᓗᖕᒥᑦ.