ᖃᐅᒻᒪᖅᑯᑎᓄᑦ ᑎᑎᕋᖅᑎ

ᖃᐅᒻᒪᖅᑯᑎᓄᑦ ᑎᑎᕋᖅᑎ ᑲᒪᒋᔭᖃᖅᑐᖅ ᐋᖅᑭᒃᓱᖅᑕᐅᓂᖓᓄᑦ, ᑐᑭᒧᐊᕈᑎᒃᓴᖏᓐᓄᑦ ᐊᒻᒪᓗ ᑐᓂᔭᐅᓂᖓᓄᑦ ᓄᓇᕗᑦᑕ ᖃᐅᒻᒪᖅᑯᑎᓄᑦ ᐋᖅᑭᒃᓯᒪᓂᖓ ᐊᑐᖁᓪᓗᒍ ᐊᑑᑎᖃᕐᕆᓂᑦᑐᓐᓄᑦ ᑎᑭᑎᑕᐅᕙᒃᑐᓄᑦ ᐅᖅᓱᐊᓗᖕᓄᑦ. ᑕᒪᓐᓇ ᐅᐱᒋᓗᒍ, ᑎᑎᕋᖅᑎᐅᔪᖅ ᖃᐅᔨᓴᖃᑦᑕᖅᑐᖅ ᖃᐅᒻᒪᖅᑯᑎᓅᖓᔪᓂᑦ ᐱᔾᔪᑎᓂᑦ, ᐋᖅᑭᒃᓱᐃᓪᓗᓂ ᐊᒻᒪᓗ ᑐᓂᓯᓪᓗᓂ ᖃᐅᒻᒪᖅᑯᑎᓅᖓᔪᓂᑦ ᐱᓕᕆᐊᒃᓴᓂᑦ ᐊᒻᒪᓗ ᐱᔨᑦᑎᕋᕈᑎᓂᑦ ᑐᑭᒧᐊᕈᑎᒃᓴᓕᐅᕐᖑᔭᖅᖢᓂᓗ ᐱᓕᕆᐊᖑᓂᐊᖅᑐᓂᑦ ᖃᐅᒻᒪᖅᑯᑎᓄᑦ ᖃᓄᖅᑑᕈᑎᒃᓴᓂᑦ. ᖃᐅᒻᒪᖅᑯᑎᓄᑦ ᑎᑎᕋᖅᑎ ᒐᕙᒪᒃᑯᓐᓄᑦ ᓯᕗᓕᖅᑎᐅᕗᖅ ᒐᕙᒪᑐᖃᒃᑯᓐᓄᑦ-ᓄᓇᓕᖕᓄᑦ ᐊᕕᒃᑐᖅᓯᒪᔪᓄᑦ-ᓄᓇᓕᒡᔪᐊᓄᑦ ᐊᕕᒃᑐᖅᓯᒪᔪᓄᑦ ᖃᐅᒻᒪᖅᑯᑎᓄᑦ ᐊᑐᐊᒐᓄᑦ ᐅᖃᐅᓯᖃᖅᑎᓪᓗᒋᑦ.

 

ᖃᐅᒻᒪᖅᑯᑎᓄᑦ ᑎᑎᕋᖅᑎ ᑲᒪᒋᔭᖃᕐᒥᔪᖅ ᖃᐅᒻᒪᖅᑯᑎᓄᑦ ᐊᒻᒪᓗ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᐅᔾᔨᖅᓱᕐᓂᕐᒥᑦ ᐃᖅᑲᓇᐃᔭᕐᓂᖅ. ᑖᓐᓇ ᐃᖅᑲᓇᐃᔮᖅ ᑐᕌᒐᖃᖅᑐᖅ ᐊᖏᒡᓕᑎᑦᑎᐊᒋᐊᕐᓂᕐᒥᑦ ᑎᒍᓯᓂᕐᒥᑦ ᖃᐅᒻᒪᖅᑯᑎᓂᑦ ᐊᑐᓗᐊᖅᑕᐃᓕᒪᓂᕐᒧᑦ ᐊᑐᖅᑕᐅᓇᓱᒃᐸᒃᑐᓂᑦ, ᒥᒃᖠᒋᐊᖅᑎᑦᑎᓂᖅ ᖃᐅᒻᒪᖅᑯᑎᓂᑦ ᐊᑐᑦᑎᐊᖖᒋᓐᓂᕐᒧᑦ, ᐱᐅᓯᑎᑦᑎᒋᐊᕐᓂᖅ ᑐᑭᓯᐊᓂᕐᒥᑦ ᖃᐅᒻᒪᖁᑎᒥᑦ ᐊᑐᕐᓂᕐᒥᑦ, ᐊᒻᒪᓗ ᒥᒃᖠᒋᐊᖅᑎᑦᑎᓂᖅ ᐅᖅᓱᕐᒥᑦ ᐊᑐᓗᐊᖅᑕᐃᓕᑎᑦᑎᓂᕐᒧᑦ ᑐᓂᔭᐅᔪᓂᑦ. ᑐᕌᒐᕆᔭᖓᑦ ᑎᒍᓯᓂᕐᒥᑦ “ᐊᑐᓗᐊᖅᑕᐃᓕᒪᓂᕐᒧᑦ ᐃᓕᖅᑯᓯᕐᒥᑦ” ᓄᓇᕗᒻᒥᐅᓄᑦ ᐱᕈᖅᐸᓪᓕᐊᑎᑦᑎᔪᖅ ᐱᖅᑯᓯᑐᖃᕐᒥᑦ ᐃᓄᐃᑦ ᖃᐅᔨᒪᔭᑐᖃᖏᑕ ᐃᓗᓕᖅᑕᖏᓐᓂᑦ ᐊᒻᒪᓗ ᑐᑭᒧᐊᖅᑎᑦᑎᓪᓗᓂ ᒥᒃᖠᒋᐊᖅᐹᓪᓕᑎᑦᑎᓂᕐᒥᑦ ᓄᓇᕗᑦᑕ ᖃᐅᒻᒪᖅᑯᑎᓄᑦ ᐊᑐᓗᐊᖅᑕᐃᓕᒪᓂᕐᒥᑦ, ᖃᐅᒻᒪᖅᑯᑏᑦ ᐊᑭᖏᓐᓂᑦ, ᐊᒻᒪᓗ ᓄᓇᕗᕗᑦ ᑲᔪᓯᓂᖓᓄᑦ ᐊᑐᕐᓂᕐᒥᑦ ᐅᖅᓱᐊᓗᖕᓂᑦ.

ᐆᒻᒪᖅᑯᑎᑐᕈᓯᕐᓄᑦ ᖃᓄᖅᑑᒐᒃᓴᑦ

ᐅᐊᔭᒨᖅᑐᒥᑦ ᐆᓇᖅᑐᓕᐅᕈᑎᒥᑦ ᐊᑐᖔᕐᓗᑎᑦ ᐆᓇᖅᓯᑦᑏᖏᖔᕐᓗᑎᑦ ᐃᒐᐅᑉ ᕐᑳᖓᒍᑦ ᐅᕝᕙᓘᓐᓃᑦ ᐆᑦᑎᐊᓚᔪᒧᑦ. ᓂᕈᐊᕐᓗᑎᑦ ᐃᖕᒥᓂᒃ ᖃᒥᑲᐅᑎᒋᓲᒥᑦ.