ᓇᖕᒥᓂᖃᕐᕕᐅᔪᓄᑦ ᐆᒻᒪᖅᑯᑎᑐᕈᓯᕐᓄᑦ ᖃᓄᖅᑑᒐᒃᓴᑦ

ᖃᐅᒪᔾᔪᑎᑦ

  1. ᐃᓕᓯᓗᑎᑦ ᐊᐅᓚᔪᒧᑦ ᖃᐅᔨᔭᑦᑐᒥᑦ ᖃᐅᒪᑎᑦᑎᑐᐃᓐᓇᖁᓪᓗᒍ ᐃᓄᐃᑦ ᐃᒡᓗᕈᓯᕐᒦᑎᓪᓗᒋᑦ.

  2. ᐊᓯᔾᔨᕐᓗᒋᑦ ᐊᑐᒐᔪᒃᑐᑦ ᖃᐅᒻᒪᖅᑯᑏᑦ ᐊᐅᓚᔪᓐᓇᐅᑎᑐᓗᐊᖖᒋᓐᓂᖅᓴᓄᑦ ᖃᐅᒻᒪᖅᑯᑎᓄᑦ, ᐊᑐᓲᑦ 75% ᒥᑭᓐᓂᖅᓴᒥᑦ ᐊᐅᓚᔪᓐᓇᐅᑎᒥᑦ ᐊᒻᒪᓗ ᖁᓕᓂᑦ ᐊᑯᓂᐅᓂᖅᓴᖅ ᐊᑐᓲᖑᓪᓗᑎᒃ.

  3. ᐊᓯᔾᔨᕐᓗᒋᑦ ᐱᑕᕐᑳᓂᒃᑐᑦ T12 ᖃᐅᒻᒪᖅᑯᑎᕋᓛᑦ ᐊᒻᒪᓗ ᖃᐅᒻᒪᖅᑯᑎᐅᑉ ᐃᓕᔾᔨᕝᕕᖓ ᐅᑯᓄᖓ T8 ᖃᐅᒻᒪᖅᑯᑎᕋᓛᓄᑦ ᐊᒻᒪᓗ ᖃᐅᒻᒪᖅᑯᑎᐅᑉ ᐃᓕᔾᔨᕝᕕᖓᓄᑦ.

  4. ᐊᓯᔾᔨᕐᓗᒋᑦ ᓇᑲᓲᔭᑐᐃᓐᓇᐃᑦ ᐅᕝᕙᓘᓐᓃᑦ ᖃᐅᒻᒪᖅᑯᑏᑦ ᐊᓂᑐᐃᓐᓇᕆᐊᓖᑦ ᐊᑯᓂᐅᓂᖅᓴᖅ-ᐊᑐᕈᓐᓇᖅᑐᓄᑦ, ᐊᑐᖖᒋᓐᓂᖅᓴᖅ-ᐊᐅᓚᔪᓐᓇᐅᑎᒥᑦ LED ᐊᓂᑐᐃᓐᓇᕆᐊᓕᖕᓄᑦ.

  5. ᐃᓕᓯᓗᑎᑦ ᐊᓯᐊᓄᑦ ᖃᒥᑦᑕᐅᑎᒥᑦ ᒥᑭᓐᓂᖅᓴᓂᒃ ᐊᕙᑎᖃᖅᑐᓄᑦ ᐃᑯᒪᔭᕆᐊᖃᕐᓂᖓ ᐊᑐᑐᐃᓐᓇᖃᑦᑕᕐᓂᐊᕐᒪᑦ ᐱᔭᕆᐊᖃᕌᖓᑦ.

ᖁᐊᒃᑯᕖᑦ

  1. ᐊᑐᖅᑏᓐᓇᕐᓗᒋᑦ ᖁᐊᒃᑯᕖᑦ ᐊᒻᒪᓗ/ᐅᕝᕙᓘᓐᓃᑦ ᐃᓗᑦᑕᐃᓐᓇᐃᑦ ᖁᐊᒃᑯᕖᑦ ᐱᔭᕆᐊᖃᖅᑐᒥᑦ ᓂᒡᓕᓇᕐᓂᖓᓂᒃ. ᖁᐊᒃᑯᕖᑦ ᓂᒡᓕᓇᕐᓂᕐᒦᖏᓐᓇᕆᐊᖃᖅᑐᑦ 1’C – 3’C, ᐃᓗᑦᑕᐃᓐᓇᐃᑦ ᖁᐊᒃᑯᕖᑦ ᐃᒪᓐᓇᐅᑎᓪᓗᒍ -18’C.

  2. ᓂᐅᕕᕐᓗᑎᑦ ᖁᐊᒃᑯᕕᖕᒥᑦ ᐊᒻᒪᓗ/ᐅᕝᕙᓘᓐᓃᑦ ᐃᓗᑦᑕᐃᓐᓇᒥᑦ ᖁᐊᒃᑯᕕᖕᒥᑦ ᐊᖏᓂᖓ ᓈᒻᒪᒋᑐᐃᓐᓇᕐᓗᒍ ᐱᔭᕆᐊᖃᕐᑕᕐᓂᒃ. ᐊᖏᓗᐊᖅᑐᑦ ᐊᑐᓗᐊᖅᑎᑦᑎᓲᖑᖕᒪᑕ ᐊᐅᓚᔪᓐᓇᐅᑎᒥᑦ ᐊᒻᒪᓗ ᑮᓇᐅᔭᒥᑦ. ᐅᒃᐱᕆᕕᐅᒡᓘᓐᓃᑦ ᐋᒃᑲᓘᓐᓃᑦ, ᐊᐅᓚᔪᓐᓇᐅᑎᒥᒃ ᐊᑐᕐᓇᖖᒋᓐᓂᖅᓴᖅ ᓂᒡᓕᓇᖅᑎᒋᐊᕐᓗᒍ ᖁᐊᒃᑯᕕᒃ ᐅᕝᕙᓘᓐᓃᑦ ᐃᓗᑦᑕᐃᓐᓇᖅ ᖁᐊᒃᑯᕕᒃ (ᐃᓗᓕᖃᓗᐊᕌᓗᖖᒋᑉᐸᑦ ᐊᓂᖅᓵᕐᕕᖓ ᐃᖏᕐᕋᑦᑎᐊᕈᓐᓇᕐᓂᖅᓴᖅ) ᐃᓗᓕᖃᖖᒋᑦᑐᒥᐅᓂᖅᓴᖅ. ᐃᓗᑐᐃᓐᓇᐃᑦ ᖁᐊᒃᑯᕖᑦ ᐊᑐᕐᓂᖅᓴᐅᓲᑦ ᐊᐅᓚᔪᓐᓇᐅᑎᒥᑦ ᓇᖏᖅᑐᓂᑦ ᖁᐊᒃᑯᕕᖕᓂᑦ, ᒥᑭᓐᓂᖅᓴᒥᑦ ᓂᒡᓕᓇᖅᑐᒥᑦ ᐊᓂᑎᑦᑎᕙᖕᒪᑕ ᒪᑐᐃᖅᑕᐅᔭᕌᖓᑦ.

  3. ᒪᒃᐱᖃᑦᑕᖖᒋᓐᓂᖅᓴᐅᒋᐊᕐᓗᒍ ᖁᐊᒃᑯᕕᒃ. ᒪᑐᐃᖅᑕᐅᑐᐊᕌᖓᑦ, ᐆᓇᔪᒃᑐᖅ ᐃᓯᑲᐅᑎᒋᖃᑦᑕᕐᒪᑦ ᐊᒻᒪᓗ ᐊᐅᓚᔪᓐᓇᐅᑎ ᐊᑐᕆᐊᖃᕐᖢᓂ ᓂᒡᓕᒃᑲᓐᓂᕋᓱᖕᓂᖓᓂ.

  4. ᓂᓚᐃᔭᒐᔪᒡᓗᒍ ᐃᖕᒥᖕᓂᒃ-ᓂᓚᓲᑦ ᖁᐊᒃᑯᕖᑦ ᐊᒻᒪᓗ ᐃᓗᑦᑕᐃᓐᓇᐃᑦ ᖁᐊᒃᑯᕖᑦ. ᐊᖏᓂᖅᓴᒥᑦ ᐊᑐᖅᑐᑎᑦᑎᓲᖑᖕᒪᑕ ᐊᐅᓚᔪᓐᓇᐅᑎᒥᒃ ᐃᖏᕐᕋᖁᓪᓗᒍ ᐊᐅᓚᐅᑎᖓ ᓂᓚᒃᓯᒪᓗᐊᖅᑎᓪᓗᒍ.

  5. ᐊᐅᓚᔾᔭᒃᑎᑉᐸᒡᓗᒍ ᖁᐊᒃᑯᕕᒃ ᐊᑕᐅᓯᐊᕐᓗᒍ ᐊᕐᕌᒍ ᒥᓪᓗᐊᕐᓗᒋᑦ ᓱᕈᕈᔪᖏᑦ (ᑭᓯᐊᓂ ᐱᖃᕈᕕᑦ “ᓴᓗᒻᒪᖅᓴᕆᐊᖃᖖᒋᑦᑐᒥᑦ” ᓴᓇᓯᒪᔪᒥᑦ). ᐃᖏᕐᕋᓂᖓ ᓇᐃᓐᓂᖅᓴᐅᖃᑦᑕᕋᔭᖅᑐᖅ ᓴᓗᒪᑎᓪᓗᒍ ᐊᒻᒪᓗ
    ᐊᑐᖖᒋᓐᓂᖅᓴᐅᓗᑎ ᐊᐅᓚᔪᓐᓇᐅᑎᒥᑦ. ᐊᒻᒪᓗᑦᑕᐅᖅ ᐱᑏᓐᓇᕐᓗᒋᑦ ᐊᐅᓚᔪᓐᓇᐅᑎᖓᓄᑦ ᓱᕈᐃᑦ ᓴᓗᒪᑎᓪᓗᒋᑦ ᐊᒻᒪᓗ ᓂᓚᖃᖖᒋᑏᓐᓇᕆᐊᕐᓗᒍ.

  6. ᐊᑐᕐᓗᑎᑦ ᐅᓐᓄᐊᒃᑯᑦ ᒪᑐᓯᒪᔾᔪᑎᓂᑦ ᖁᐊᒃᑯᕕᐅᑉ ᐃᓂᖓᓂ.

  7. ᐃᓕᓯᓗᑎᑦ ᒪᑐᓯᑲᐅᑎᒋᔾᔪᑎᓂᑦ ᐊᒻᒪᓗ ᑕᓗᓯᒪᔾᔪᑎᓂᑦ ᐃᓯᓕᕐᓗᓂ ᓂᒡᓕᓇᖅᑐᒃᑯᕕᖕᓂ ᐊᒻᒪᓗ ᖁᐊᒃᑯᕕᖕᓂ.

  8. ᖃᐅᔨᓴᕐᓗᒍ ᖁᐊᒃᑯᕕᒃ ᐊᒻᒪᓗ ᐃᓗᑦᑕᐃᓐᓇᖅ ᖁᐊᒃᑯᕕᒃ ᒪᑐᖏᑦ ᐊᓂᖅᑎᕆᔾᔪᑎᖏᓐᓄᑦ ᐊᒃᑐᐊᑦᑎᐊᕋᓗᐊᕐᒪᖔᑕ. ᑕᐃᒪᐃᑦᑐᓐᓇᖅᑐᑎᑦ ᒪᑐᓗᒍ ᐸᐃᑉᐹᒥᑦ ᐊᑐᕐᓗᑎᑦ ᐊᒻᒪᓗ ᐸᐃᑉᐹᖅ ᑎᓱᑲᐅᑎᒋᖖᒋᑦᑐᓐᓇᕐᓗᓂ. ᐋᖅᑭᒋᐊᕐᓗᒋᑦ ᒪᑐᖏᑕ ᓂᕈᒻᒫᒃᑯᑎᖏᑦ ᐊᒻᒪᓗ ᐊᓯᔾᔨᕐᓗᒋᑦ ᐊᑐᓕᒪᔪᑦ ᒪᑐᖓᓄᑦ ᓂᐱᑦᑕᐅᑎᑦ.

ᖃᕋᓴᐅᔭᐃᑦ ᑎᑎᕋᕐᕕᖕᒦᔾᔪᑏᓪᓗ

  1. ᓂᐅᕕᓕᕈᕕᑦ ᖃᕋᓴᐅᔭᕐᒥᑦ, ᖃᕋᓴᐅᔭᐅᑉ ᐊᐅᓚᐅᑎᖓᓂᑦ, ᑎᑎᖅᑲᓕᐅᕈᑎᓂᑦ, ᐅᓄᖅᑐᓕᐅᕈᑎᓂᑦ ᐊᒻᒪᓗ ᓱᒃᑲᔪᒃᑰᕈᑎᓂᑦ, ᐃᓱᒪᒋᓗᒍ ᐊᐅᓚᔪᓐᓇᐅᑎᓄᑦ ᐱᐅᔪᖅ® ᓴᓇᓯᒪᓂᖏᑦ “ᖃᒥᖃᑦᑕᖅᑐᑦ” ᐊᑐᖅᑕᐅᖏᑯᑖᓗᐊᓕᕌᖓᒥᒃ.

  2. ᐊᑐᕐᓗᒋᑦ ᓴᕐᓕᐊᕆᐊᓖᑦ ᖃᕋᓴᐅᔭᐃᑦ ᑭᐳᒦᑦᑕᕆᐊᖃᖖᒋᖔᖅᑐᓂᑦ ᖃᕋᓴᐅᔭᕐᓂᑦ ᐊᑐᕈᓐᓇᕐᓂᖅᓴᓂᑦ, ᐊᑐᖃᑦᑕᕐᒪᑕ 90% ᒥᑭᓐᓂᖅᓴᒥᑦ ᐊᐅᓚᔪᓐᓇᐅᑎᒥᑦ.

  3. ᐊᑐᕐᓗᑎᑦ ᑎᑎᕋᐅᑎᐅᑉ ᐃᒪᖓᓂᑦ ᐊᑐᖅᑐᓂᑦ ᑎᑎᖅᑲᓕᐅᕈᑎᒥᑦ ᖃᐅᒪᔪᓅᖅᑐᓄᑦ ᑎᑎᖅᑲᓕᐅᕈᑎᓅᖏᖔᖅᑐᖅ ᐊᑐᕈᓐᓇᕐᓂᖅᓴᓂᑦ, ᐊᑐᖃᑦᑕᕐᒪᑕ 90% ᒥᑭᓐᓂᖅᓴᒥᑦ ᐊᐅᓚᔪᓐᓇᐅᑎᒥᑦ.

  4. ᖃᒥᓪᓗᒋᑦ ᖃᕋᓴᐅᔭᐃᑦ, ᐊᐅᓚᐅᑎᖏᑦ, ᑎᑎᖅᑲᓕᐅᕈᑏᑦ, ᐅᓄᖅᑐᓕᐅᕈᑏᑦ ᐊᒻᒪᓗ ᐃᑯᒪᐃᑦ ᐅᓐᓄᐊᒃᑯᑦ ᐊᒻᒪᓗ ᐱᓇᓱᐊᕈᓯᐅᑉ ᓄᖖᒍᐊᓂ.

ᐅᖅᑰᓴᕐᓂᖅ

  1. ᐃᓕᓯᓗᑎᑦ ᐋᖅᑭᒃᑕᐅᓯᒪᕙᒌᕈᓐᓇᖅᑐᒥᑦ ᐅᖅᑰᓴᐅᑎᒥᑦ. ᐊᑐᖖᒋᓐᓂᖅᓴᐅᔪᓐᓇᖅᑐᑎᑦ 1-2% ᐅᖅᑰᓴᐅᑎᒧᑦ ᐊᑭᓕᒐᒃᓴᒥᑦ ᑕᒫᑦ 1o ᐅᖅᑰᓇᕐᓂᖓ ᖃᒥᒋᐊᕌᖓᕕᐅᒃ ᐅᖅᑰᓴᐅᑎᒧᑦ ᕿᓪᓚᔾᔪᒐᖅ. ᐃᓱᒪᒋᓗᒍ ᐃᓕᓯᔭᕆᐊᒃᓴᖅ ᑮᒃᑕᖅᑐᒥᑦ ᒪᑐᒥᑦ ᐅᖅᑰᓴᐅᑎᒧᑦ ᐱᖁᓇᒋᑦ ᐃᖅᑲᓇᐃᔭᖅᑏᑦ ᐊᓯᔾᔩᒋᐊᖅ ᐅᖅᑰᓴᐅᑎᒥᑦ.

  2. ᐃᓕᓯᖖᒋᓪᓗᑎᑦ ᐃᒡᓗᕈᓯᕐᒧᑦ ᐅᖅᑰᓴᐅᑎᒥᑦ ᓂᒡᓕᓇᖅᑐᒥᑦ ᓯᓚᑖᓂ ᐊᑭᓐᓇᐅᑉ, ᓴᓂᓕᖓᓄᑦ ᐃᒐᓛᖅ, ᐃᓂᑦᑎᐊᕙᐅᖖᒋᑦᑐᒥᑦ ᐅᕝᕙᓘᓐᓃᑦ ᖃᓂᒋᔭᖓᓄᑦ ᐅᖅᑰᓴᐅᑎᕈᔪᐃᑦ.

  3. ᓴᓗᒻᒪᖅᓴᕐᓗᒋᑦ ᐅᕝᕙᓘᓐᓃᑦ ᐊᓯᔾᔨᕐᓗᒋᑦ ᓱᕈᕐᒧᑦ ᐴᖃᐅᑎᑦ ᑭᐊᒃᓴᐅᑎᒥᑦ ᐊᒻᒪᓗ/ᐅᕝᕙᓘᓐᓃᑦ ᕿᑎᐊᓃᑦᑐᓂᑦ ᐊᓂᖅᑎᕆᔾᔪᑎᑦᑎᐊᕙᐅᔪᓂᑦ ᐊᑕᐅᓯᐊᕐᓗᒍ ᑕᖅᑭᖅ ᐅᕝᕙᓘᓐᓃᑦ ᐱᔭᕆᐊᖃᖅᐸᑦ.

  4. ᐃᓱᒪᒋᓗᒍ ᐃᓕᓯᒋᐊᒃᓴᖅ ᐊᐅᓚᔪᓐᓇᐅᑎᓄᑦ ᐱᐅᔪᖅ® ᑭᐊᒃᓴᐅᑎᒥᑦ ᐅᕝᕙᓘᓐᓃᑦ ᐆᓇᖅᑐᖃᐅᑎᒥᑦ.

  5. ᐃᓪᓕᕆᓗᒍ ᐆᓇᖅᑐᖃᐅᑏᑦ ᕿᓪᓕᖅᑑᔭᒥᑦ ᐊᕙᑖᒍᑦ ᐆᓇᔪᒃᐸᑦ ᐊᒃᑐᕐᓗᒍ.

ᓄᑖᑦ ᐃᒡᓗᕐᔪᐊᑦ

  1. ᐃᒡᓗᓕᐅᕐᐸᒡᓗᑎᑦ ᐊᒻᒪᓗ ᐊᓯᖏᓐᓂᑦ ᐃᒡᓗᕐᔪᐊᓂᑦ ᓂᒋᕐᒧᑦ ᓵᖖᒐᔪᒥᒃ ᐃᒐᓛᖃᕐᓗᓂ ᓯᕿᓐᓂᖅᑐᖅᓯᐅᖃᑦᑕᕐᓂᐊᕐᒪᑦ ᐊᒻᒪᓗ ᐅᖅᑰᑎᓪᓗᒍ ᐃᒡᓗ. ᐅᖅᑰᓴᕐᓂᕐᒧᑦ ᐊᑮᑦ ᒥᒃᖠᒋᐊᕈᓐᓇᖅᑐᑦ 20%-ᒥᑦ.

  2. ᐃᓱᒪᒋᓗᒍ ᐃᓕᓯᔭᕆᐊᒃᓴᖅ ᓵᑦᑑᔭᕐᒥᑦ ᕿᔪᐊᕐᔪᖕᒥᑦ ᓂᒋᖔᖓᓂ ᐃᒡᓘᑉ.

ᐆᒻᒪᖅᑯᑎᑐᕈᓯᕐᓄᑦ ᖃᓄᖅᑑᒐᒃᓴᑦ

ᐊᑐᕐᓗᒋᑦ ᓴᕐᓕᐊᕆᐊᓖᑦ ᖃᕋᓴᐅᔭᐃᑦ ᑭᐳᒦᑦᑕᕆᐊᖃᖖᒋᖔᖅᑐᓂᑦ ᖃᕋᓴᐅᔭᕐᓂᑦ ᐊᑐᕈᓐᓇᕐᓂᖅᓴᓂᑦ, ᐊᑐᖃᑦᑕᕐᒪᑕ 90% ᒥᑭᓐᓂᖅᓴᒥᑦ ᐊᐅᓚᔪᓐᓇᐅᑎᒥᑦ.