Nanminiriyauyunut

Nunavut Kavamatkut tatja pipkainahuarutaittut pinahuarutaittutlu ikayuutautigiami nutaanguffaarniqmut aulapkaitjutinik ukunanikluuniit aulapkaitjutautit aturninnganut ilihimattiarniq.

Ikayuutikhaq nutaanguqtiffaarniq aulapkaitjutautit havaakhauhiq piinarialik qaffiuyunit kanatap kavamanga pinahuarutits, hapkuninnga ilaliutihimayut:

EcoEnergy-­kut Nunaqaqqaarhimayunut Ukiuqtaqtuqmiutanutlu Nunallaat

Tamna ecoEnergy-­kut Nunaqaqqaarhimayunut Ukiuqtaqtuqmiutanutlu Nunallaat Pinahuarutit 2011-­ 2016 (EANCP) ihumagilluaqtaik iluittumut tunigiami manikharvikhamut ikayuutikhat Nunaqaqqaarhimayunut ukiuqtaqtumilu nunallaat for nutaanguqtiffaarniq aulapkaitjutautit havaakhauhiq. Pipkaitjutauyuq ukunannga Nunaqaqqaarhimayuliriyiitkut (AANDC) ilauyuqlu katimayunit halumayunit aulapkaitjutautit pinahuarutit manikhaqtitauyut Kaanatap Kavamanganit kiuyaat hulilukaarutingit hilaup aallangurninnganut.

Tikiutillagahualluaqtaa EANCP ikikliyuumiriami puyuum anialailaqutaa (GHG) anianiit piyut pauwaqtuutimit uunaqutimitluarising uumani Nunaqaqqaarhimayunut ukiuqtaqtumilu nunallaat ikayuqhugu iniqtiqhugulu nutaanguqtiffaarniq aulapkaitjutautit havaakhauhiq. EANCP tunivaktut manikhaqmiknik ikayuutikhaq piliurninnganut pilihaaliqtut ukununnga nutaanguqtiffaarniq aulapkaitjutautit havaakhauhiq havaanginnit iniqtirninngalu nutaanguqtiffaarniq aulapkaitjutautit havaakhauhiq atayut nunagiyamikni igluqpanginnut.

Ihuaqtumik piyakhangit naunairyuumirumaguvitlu, takulugu qaritauyakkut.

Ihumaliurhimayut Tutquumavingit Ukiuqtaqtumi Maniliurniqmut Pivallianiq

Tuniyauyuq Kaanatamiutat Ukiuqtaqtumi Pivallianiq Timiqutigiyanginnik, tamna Ihumaliurhimayut Tutquumavingit Ukiuqtaqtumi Maniliurniqmut Pivallianiq (SINED) pinahuarutit ihumagilluaqtaa hakugiktitaugiami tahapkuat pipkaitjutauyut maniliqinirmut avikturhimayumi, maniliqinirmut aallanguqtiriniq, akhuuqulugitlu ilauninnga Ukiuqtaqtuqmiutat maniliurutiniqmut. Tamna pinahuarutit piqaqtuq hitamanik naunaitkutigiyauyunik: Pinahuaqtanginnik Maniliurutimut Pinahuarutit, Ihuarhiniqmut Ilihimaniqmullu Manikhaq, Havaqatigiikniqmut Kiutjutiniqmut Katimaniq, Nunaryuaptikni-Avikturhimayumi Manikhaq. 2009mit 2014milu,SINED puuqaqtut $90 milliat taalamik aittuutauyunik manikmik, talvannga ihuaqtumik tuniqhautigiyauyut pingahuuyunut avikturhimayunut nunallaanut.

Naunairyuumirumaguvit naunaitkutimut, pulaarlugu qaritauyangit pulaarvinga.

 

Ikummadjutinut Akittuqpallangitaangani Ihumaliurutit

Atuqlogin imaqtuqtun titirautin qaritauyanun quliqtutitonik auqnaitpan, 90%-­mik atugitqiyaukmata alruyaqtutinik.