Ikummadjutinut Akittuqpallangitaangani Ihumaliurutit Nanminiriyauyunut

Quliin

  1. Iliugailotin igutaaqtiqainaqan quliin ikumainariagani piyotinik ila igluami.

  2. Himauhiqlogin atuqtaukhaaqtun quliin takiyonik alruyaqtuqpalaagitaagani ukua 75%-­mik atugitqiyaukmata alruyaqtutinik atukhatqiyauvakhutiklo.

  3. Himauhiqlogin atuqtun T12 quliin nipitqaqtautinualgin T8-nik quliqnik alruyaqtuqtunik ihuaqutilinik.

  4. Himauhiqlogin quliin hanianiitun anitiqviin atuqhaalaaqtonik, alruyaqtuqpalaagitoniklo LED-­nik anitiqviin naunaipkutain.

  5. Iliurailotin ilikuqtonik qamitautinik mikitqiyani igluani qaumainarumaaqtuq piyariaqaqan.

Qiqumayutin

  1. Qiqitiviin Quaqhiiviiluniin niglaumaniginik ihuaqhimayavun. Qiqitiviin 1'C-min 3'C-mun, quaqhiiviiin -18'C-miilotik qiqumanigin.

  2. Niuviqlotin qiqitiivikmik quaqhiivikmikluniin agitilaaganik naamagiyaqnik. Agivalaaqan maniktuqnaqpalaqman. Ukpigilugo, alruyaatuqpalaalimagituq niklaqtiriagani tatamayuq qiqitiivik (tatatpalagitkumi niqinik nakutqiyaq) imaqagitomin. Hanimun ukuiraqtun alruyaqtutinik atuqpalaagiyutauyun ukunanga qunmun matuiraqtonin quaqaqviknin, aniayvalaagituq niglaumanik ukuiraagata.

  3. Uquiqataruiqlugo qiqitiivik. Uquituaraagan, unaqnik itialiqpakman aulayutilo aturiaqalipakmata niklaqtiriagani ilitquhianun.

  4. Hikuiyaqpaklogin qiqitiiviin quaqhiiviilo qaguguraikpan. Alruyaqtutituqpalaqniaqman hikuqaliqpalaarumi ilua.

  5. Tugiqpaklogo qiqitiivik iglum haniraanin halumaqtiriagani qiqumayutain tuqhuanuin (kihiani piqaruvin “halumaqtiriitomi” qiqumayutainik). Ikumakhaalimaituq halumakpata tuqhuanuagin tunungani qiqitiivium atuginiqhaulonilo alruyaqtutinik.

  6. Atuqlotin unukmi ulikhan qiqitiivikniitonik.

  7. Iliuraqlogin inminik uquaqhiyutin talukuyaalo itiqviuvaktoni qiqitiivikni quaqhiiviknilo.

  8. Qiqitiivium quaqhiiviuvlo ukuagini huviuriipkotain patiktingayaagani. Ukuaqahiutilogo makpiraanuaq amutiriitaakhaanik naunaeriagani. Ihuaqhilogin ukujan naktitaarutain himauhiqlogilo amiiktun ukujam patiktiyutain.

Qaritauyan Titiraqvikmilo Piqutin

  1. Niuviruvin qaritauyanik, aulayutiluaginik, titiraqtitautinik, amigaiyautinik kayumiktoquluniin titiraqharutinik, ihumagilogo ENERCY STAR-qaqtun ila gqamitpakmatah atuqtaugikhaaliraagata.

  2. Atuqlogin nakhalaqtun qaritauyan agitqiyanin iglumiuginaqtonin qaritauyanin ayuqnaitpan, 90%-mik atugitqiyaukmata alruyaqtutinik.

  3. Atuqlogin imaqtuqtun titirautin qaritauyanun quliqtutitonik auqnaitpan, 90%-­mik atugitqiyaukmata alruyaqtutinik.

  4. Qamilogin qaritauyan, aulayutiluan, titirautin, amigaiyautin quliilo unukpan havaknaiqalo.

Unaqutin

  1. Ilihilotin ihuaqhilaaqtomik unaqniganik monarijunmik. Akiliqhigitaaqni 1-­min 2%-­mun akituniganik unaqutinun akiligakhamik atuni 1o Celsius-­mik atparukni unaqnigata ihuaqutaa. Ilihinahuajavutin puukhanik hilataagun havaktun anianugitaagani unaqniganik ihuaqhaun.

  2. Ilihitailotin igluam unaqniganun ihuaqhaunmik niglamayomi haniraanun, igalaam hanianun, hupiyuv haniani, unaqtuvluniin.

  3. Halumaqlogin himauhiqlogiluniin halumairiipkotin unaqutini niglaumayutiniluniin atauhiiqlogo tatqiqhiunmi piyariaqaliraagaluniin.

  4. Ihumagilogo iliyaagani ENERGY STAR-­mik naunaipkotiqaqtuq unaqun imaqtuqtuqluniin unaqun.

  5. Niruvyuquhiqlugo umaqtomik imautiqaqvik qipiklugo unaqtuyaaqan kahagiami hilataa.

Nutaan Igluqpain

  1. Igluqpilohi ahiiniklo iglukhanik igalaaqaqtunik hivuraanun haangayunik hiqingum unaktitaagani igluqpak. Unaqutinun akiligakhan 20%-­mik akikhivaalilaqtun.

  2. Ihumagilugo hiqiniqmin unagiagani haniraa iglum hivuraaniitok.

Ikummadjutinut Akittuqpallangitaangani Ihumaliurutit

Himauhiqlogin atuqtun T12 quliin nipitqaqtautinualgin T8-nik quliqnik alruyaqtuqtunik ihuaqutilinik.