ᐃᑯᒻᒪᑎᑦ

ᐃᑯᒻᒪᑏᑦ: ᖃᐅᒻᒪᖅᑯᑎᓄᑦ ᖃᓄᖅᑑᕈᑎ ᓄᓇᕗᒻᒧᑦ ᑲᔪᓯᑎᑕᐅᓪᓗᓂ 2007-ᒥ, ᐊᒻᒪᓗ ᓴᖅᑮᔪᖅ ᑎᒍᒥᐊᖅᓯᓂᕐᒥᑦ ᐃᓗᓕᖏᓐᓂᑦ ᓄᓇᕗᑦᑕ ᖃᐅᒻᒪᖁᑎᓄᑦ ᐊᑐᐊᒐᖏᓐᓂᑦ ᐊᒻᒪᓗ ᐊᔾᔨᕐᓚᖏᓐᓂᑦ ᒐᕙᒪᒃᑯᑦ ᐱᓕᕆᐊᒃᓴᖏᓐᓂᑦ ᐊᒻᒪᓗ ᖃᓄᐃᓕᐅᕈᑎᒃᓴᓂᑦ ᐊᕐᕌᒍᒋᓂᐊᖅᑕᑦᑎᓐᓄᑦ 2020-ᒧᑦ.


ᐃᑯᒻᒪᑏᑦ ᑎᓴᒪᓂᑦ ᑐᕌᒐᖃᓪᓗᐊᑕᖅᐳᑦ:
 

  • ᐱᐅᓯᒋᐊᕐᓗᒍ ᐊᓯᐅᔨᔾᔭᐃᕐᓯᒪᓂᖓ ᖃᐅᒻᒪᖅᑯᑎᓄᑦ ᐊᑐᖅᑕᐅᕙᒃᑐᑦ ᒥᒃᖠᒋᐊᕐᓂᒃᑯᑦ ᐊᑑᑎᖃᖃᑦᑕᕐᓂᖓ ᑎᑭᑎᑕᐅᔪᓄᑦ ᐅᖅᓱᐊᓗᖕᓄᑦ, ᓇᓗᓇᐃᖅᓯᓂᖅ ᖃᐅᒻᒪᖅᑯᑎᓄᑦ ᐱᖃᕐᓂᖅ ᐃᓚᐅᑎᓪᓗᒋᑦ ᓴᓗᒪᓂᖅ, ᐱᔭᐅᔪᓐᓇᖅᑐᑦ ᖃᐅᒻᒪᖅᑯᑏᑦ ᐊᒻᒪᓗ ᐃᖕᒥᓅᖓᔪᑦ ᖃᐅᒻᒪᖅᑯᑎᓄᑦ ᖃᓄᐃᑦᑑᓂᖏᑦ.
  • ᐊᐅᓚᓪᓗᒋᑦ ᐊᑭᖏᑦ ᖃᐅᒻᒪᖅᑯᑎᓅᖓᔪᑦ ᐱᔨᑦᑎᕋᕈᑏᑦ ᓲᕐᓗ ᐃᖏᕐᕋᔪᓕᕆᓃᑦ, ᐅᖅᑯᓴᐅᑏᑦ, ᐆᓇᖅᑐᖅ ᐃᒪᖅ, ᖃᐅᒪᓂᖅ, ᐊᒻᒪᓗ ᓂᕿᓕᐅᕐᓂᖅ, ᒥᒃᖠᒋᐊᖅᑎᓪᓗᒍ ᐊᑭᖓ ᐱᑎᑦᑎᓂᕐᒧᑦ ᖃᐅᒻᒪᖅᑯᑎᒥᑦ ᐊᒻᒪᓗ ᐱᐅᓯᒋᐊᖅᑎᓪᓗᒍ ᐊᑑᑎᖃᕐᓂᖓ ᐊᑐᕐᓗᒍ.
  • ᒥᒃᖠᒋᐊᖅᑎᓪᓗᒍ ᐊᒃᑑᑎᖃᕐᓂᖓ ᐊᕙᑎᒥᑦ ᒥᒃᖦᒋᐊᖅᑎᓐᓂᒃᑯᑦ ᖃᐅᒻᒪᖅᑯᑎᓅᖓᔪᑦ ᐊᓂᕐᓂᕐᑎᓐᓄᑦ ᐱᑎᑦᑎᖃᑦᑕᖅᑐᑦ ᓱᕈᕐᓇᕐᑐᓂᑦ ᐊᒻᒪᓗ ᓯᓚᐅᑉ ᐊᓯᔾᔨᕐᐸᓪᓕᐊᓂᕐᒧᑦ.
  • ᓴᖅᑭᑎᑦᑎᓗᓂ ᐱᓯᓂᓯᖃᕐᓂᕐᒥᑦ ᐊᒻᒪᓗ ᐃᖅᑲᓇᐃᔮᒃᓴᓂᑦ ᓄᓇᐃᑦ ᐊᕕᒃᑐᖅᓯᒪᓂᖓ ᐊᖏᒡᓕᕙᓪᓕᐊᑎᓪᓗᒍ ᖃᐅᒻᒪᖅᑯᑎᓂᑦ ᐊᑐᐃᓐᓇᐅᑎᑦᑎᓂᕐᒥᑦ ᐊᒻᒪᓗ ᓄᑖᖑᕆᐊᒃᑲᓐᓂᕈᓐᓇᕐᓂᖓ ᐊᒻᒪᓗ ᐃᖕᒥᓂᒃ ᖃᐅᒻᒪᖅᑯᑏᑦ ᐱᑕᖃᕈᓐᓇᕐᓂᖓ.

     

ᑕᑯᔪᒪᒍᕕᐅᒃ ᑎᑎᖅᑲᓕᐅᖅᓯᒪᔪᖅ, ᐅᓇ ᓇᕿᓪᓗᒍ.

 

ᐆᒻᒪᖅᑯᑎᑐᕈᓯᕐᓄᑦ ᖃᓄᖅᑑᒐᒃᓴᑦ

ᐊᓯᔾᔨᕐᓗᒋᑦ ᐊᑐᒐᔪᒃᑐᑦ ᖃᐅᒻᒪᖅᑯᑏᑦ ᐊᐅᓚᔪᓐᓇᐅᑎᑐᓗᐊᖖᒋᓐᓂᖅᓴᓄᑦ ᖃᐅᒻᒪᖅᑯᑎᓄᑦ, ᐊᑐᓲᑦ 75% ᒥᑭᓐᓂᖅᓴᒥᑦ ᐊᐅᓚᔪᓐᓇᐅᑎᒥᑦ ᐊᒻᒪᓗ ᖁᓕᓂᑦ ᐊᑯᓂᐅᓂᖅᓴᖅ ᐊᑐᓲᖑᓪᓗᑎᒃ.