GN Partners

Throughout the Government of Nunavut, there are several departments and territorial corporations that are responsible for energy services throughout the territory. Click the name of each stakeholder to learn more.

ᓄᓇᓕᖕᓄᑦ ᒐᕙᒪᒃᑯᓐᓄᓪᓗ ᐱᔨᑦᑎᕋᖅᑎᒃᑯᑦ ᑲᒪᒋᔭᖃᖅᐳᑦ ᐊᐅᓚᑦᑎᓂᖕᓂᑦ ᓄᓇᕗᑦ ᒐᕙᒪᒃᑯᖏᑦᑕ ᐱᖁᑎᖏᓐᓂᑦ, ᒐᕙᒪᒃᑯᑦ ᓂᐅᕕᖕᓂᓕᕆᓂᖏᓐᓂᑦ, ᐱᓕᕆᐊᖃᖕᓂᖅ ᐊᐅᓚᔾᔪᑎᓂᑦ, ᐱᕙᓪᓕᐊᑎᑦᑎᓂᖅ ᐊᐅᓚᔾᔪᑎᑦ ᐱᐅᖅᓱᐊᖅᑕᐅᓂᖏᓐᓂᑦ ᒐᕙᒪᐃᑦ ᐱᖁᑎᖏᓐᓂᑦ, ᓂᐅᕕᖃᖅᑕᖕᓂᖕᒥᓪᓗ ᐅᖅᓱᐊᓗᓂᑦ ᐊᖏᔫᑎᓂᑦ. ᓄᓇᓕᖕᓄᑦ ᒐᕙᒪᒃᑯᓐᓄᓪᓗ ᐱᔨᑦᑎᕋᖅᑎᒃᑯᑦ ᒪᕐᕉᖕᓂᒃ ᐱᓪᓗᐊᑕᖕᓂᑦ ᐊᕕᒃᑐᖅᓯᒪᔪᓂ ᑲᒪᒋᔭᖃᖅᐳᑦ ᐊᐅᓚᔪᓐᓇᐅᑎᓕᕆᔪᓂᑦ: ᐱᓕᕆᔾᔪᑎᓄᑦ ᐱᔨᑦᑎᕋᖅᑎᒃᑯᑦ ᐊᒻᒪᓗ ᐅᖅᓱᐊᓗᓕᕆᔨᒃᑯᑦ.

ᐱᓕᕆᔾᔪᑎᓄᑦ ᐱᔨᑦᑎᕋᖅᑎᒃᑯᑦ
ᓄᓇᓕᖕᓄᑦ ᒐᕙᒪᒃᑯᓐᓄᓪᓗ ᐱᔨᑦᑎᕋᖅᑎᒃᑯᑦ-ᐱᓕᕆᔾᔪᑎᓄᑦ ᐱᔨᑦᑎᕋᖅᑎᒃᑯᑦ ᐱᒻᒪᕆᐅᔪᓂ ᐱᓕᕆᐊᖃᖅᐳᑦ ᐊᑐᓗᐊᖅᑕᐃᓕᒪᓂᖕᒥᑦ ᐊᐅᓚᔪᓐᓇᐅᑎᓂ ᐊᑐᖕᓂᒥᓪᓗ ᐊᑐᒃᑲᓐᓂᒐᒃᓴᐅᙱᑦᑐᓂᑦ ᒐᕙᒪᐃᑦ ᐃᒡᓗᖁᑎᖏᓐᓂᑦ ᐱᓕᕆᔾᔪᑎᓄᑦ ᐱᔨᑦᑎᕋᖅᑎᒃᑯᑦ (NEMP). ᐃᖃᓗᖕᓂ ᐆᒃᑑᑕᐅᓯᒪᔪᖅ ᐱᐅᓯᒋᐊᖅᑎᑦᑎᓂᓕᕆᔪᑦ (ᐊᑐᓕᖅᑎᑕᐅᓯᒪᔪᖅ ᐱᓕᕆᔾᔪᑎᓄᑦ ᐱᔨᑦᑎᕋᖅᑎᒃᑯᓐᓄᑦ), 40 ᓄᓇᕗᑦ ᒐᕙᒪᒃᑯᖏᓐᓄᑦ ᐃᒡᓗᖁᑎᒋᔭᐅᔪᐃᑦ ᐊᐅᓚᔪᓐᓇᐅᑎᖏᑎᒍᑦ ᐱᐅᓯᒋᐊᖅᑕᐅᓯᒪᕗᑦ ᐱᐅᖅᓱᐊᖅᑎᑦᑎᔾᔪᑕᐅᓇᓱᐊᖅᖢᓂ ᐊᐅᓚᔪᓐᓇᐅᑎᓂᑦ, ᐅᖅᓱᓂᑦ ᐃᒪᖕᒥᓪᓗ. ᓄᓇᕗᑦ ᒐᕙᒪᒃᑯᖏᑦᑕᐅᖅ ᐱᓕᕆᒃᑲᓐᓂᕐᓯᒪᓕᕆᕗᑦ ᐊᓯᖔᖓᒍᑦ ᐊᐅᓚᔪᓐᓇᐅᑎᓂᑦ ᐊᑐᖃᖅᑕᖕᓂᖕᓂᑦ ᓄᓇᕗᒻᒥᑦ. ᓯᕿᓂᖕᒧᑦ ᓯᓚᑖᓂ ᐃᓕᔭᐅᔪᖃᓚᐅᖅᓯᒪᕗᖅ ᕿᑭᖅᑕᓂ ᐋᓐᓂᐊᕕᐊᓂ ᐆᖅᑰᓴᐅᑎᒃᓴᒥᑦ, ᓯᕿᓂᖕᒧᓪᓗ ᐃᒪᖕᒧᑦ ᐆᓇᖅᓯᓕᕈᑎᒥ (DHW) ᓵᑦᑐᐱᐊᓂ ᐃᓕᔭᐅᓯᒪᔪᖃᓕᖅᖢᓂ ᐱᖓᓱᓂᑦ ᐊᓯᐊᖏᓐᓂᑦ ᓄᓇᕗᑦ ᒐᕙᒪᒃᑯᖏᑦᑕ ᐃᒡᓗᖁᑎᖏᓐᓂᑦ. ᑖᒃᑯᐊ ᐱᓕᕆᐊᖑᔪᐃᑦ ᖃᐅᔨᓴᖅᑕᐅᕙᓪᓕᐊᔪᑦ ᑐᑭᓯᒋᐊᕈᑎᒃᓴᐅᔪᓐᓇᖁᓪᓗᒋᑦ ᓈᒻᒪᒃᑲᓗᐊᕆᐊᒃᓴᖏᓐᓂᑦ ᐊᑐᖅᑕᐅᓂᐊᕐᓗᑎᒃ ᐅᑭᐅᖅᑕᖅᑐᒥᑦ.

ᐅᖅᓱᐊᓗᓕᕆᔨᒃᑯᑦ

ᐅᖅᓱᐊᓗᓕᕆᒃᑯᑦ (PPD) ᓄᓇᕗᑦ ᒐᕙᒪᒃᑯᖏᑦᑕ ᓄᓇᓕᖕᓄᑦ ᒐᕙᒪᒃᑯᓐᓄᓪᓗ ᐱᔨᑦᑎᕋᖅᑎᒃᑯᓐᓂᙶᖅᓯᒪᕗᑦ. ᐅᖅᓱᐊᓗᓕᕆᔨᒃᑯᑦ ᑲᒪᒋᔭᖃᖅᐳᑦ ᐅᖅᓱᐊᓗᖕᓂᑦ ᐅᖅᓱᐊᓗᓕᕆᔨᑦᑯᑦ ᑲᒪᒋᔭᖏᓐᓂᑦᒃ ᓄᓇᕗᒻᒥ ᓄᓇᓕᓕᒫᓂ ᐊᓯᐊᓂ ᓂᐅᕕᐊᒃᓴᖃᖅᑎᑦᑎᔪᖃᙱᑦᑐᓂᑦ (ᓲᕐᓗ ᐃᔅᓱ, ᓯᐅᓪ, ᑕᒪᒃᑯᐊᓗᖀᑦ). ᐱᓕᕆᐊᒃᓴᕆᔭᐅᔪᑦ ᐅᖅᓱᐊᓗᓕᕆᔨᒃᑯᓐᓄᑦ ᐅᑯᐊᖑᕗᑦ:

A) ᓂᐅᕕᕐᓂᖕᒥᑦ, ᑎᑭᑎᑕᐅᓂᖏᓐᓂᑦ, ᐅᒃᓱᒃᓴᐃᓂᖕᓂᑦ, ᑐᖅᑯᖅᑐᐃᓂᖕᓂᑦ, ᓯᐊᒻᒪᑎᑦᑎᓂᖕᓂᑦ ᓂᐅᕕᐊᒃᓴᖃᖕᓂᕐᓗ ᐱᐅᓯᑎᓯᒪᔪᓂ ᐅᖅᓱᐊᓗᖕᓂᑦ ᓄᓇᕗᒻᒥᐅᑕᓕᒫᓄᑦ ᐅᓗᕆᐊᓇᙱᑦᑐᓂᑦ, ᑮᓇᐅᔭᖅᑐᓗᐊᒋᑦᑐᓂᑦ, ᓈᒻᒪᑐᓂᑦ ᐱᐅᔪᑎᒎᖅᑐᓂᑦ; ᐊᒻᒪᓗ

B) ᐱᐅᔪᓂᑦ ᐅᖅᓱᐊᓗᖃᑦᑎᐊᖅᑎᑕᐅᖏᓐᓇᖁᓪᓗᒋᒃ (ᓲᕐᓗ ᒑᓴᓖᖅ, ᐃᓚᓯᐅᑎᑦ, ᓱᐴᔫᖅᓯᐅᑎᓪᓗ, ᑕᒪᒃᑯᐊᓗᖀᑦ.) ᓈᒻᒪᑦᑎᐊᖅᑐᓂ ᐱᔭᐅᔭᕆᐊᓕᖕᓂᑦ ᓂᐅᕕᓲᑦ ᓯᕗᓂᒃᓴᑦᑎᓐᓂᒃᓗ ᐱᕙᓪᓕᐊᓂᒃᓴᒥᑦ ᓄᓇᕗᒻᒥ.

ᐊᐅᔭᑕᒫᑦ ᓯᖁᖃᙱᓚᐅᖅᑎᓪᓗᒋ, ᐅᖅᓱᐊᓗᐃᑦ ᓄᓇᓕᖕᓄᐊᖅᑕᐅᕙᒃᐳᑦ ᐅᖅᓱᖅᓴᐅᑎᒃᑯᑦ ᐅᒥᐊᕐᔪᐊᒃᑯᓪᓘᓐᓃᑦ ᐅᓯᔭᐅᓪᓗᑎᒃᓗ ᑐᖅᑯᖅᑕᐅᓪᓗᑎᒃᓗ ᓯᒡᔭᒦᑦᑐᓄᑦ ᖃᑦᑕᐅᔭᕐᔪᐊᒻᒪᕆᖕᓄᑦ. ᓄᓇᓕᖕᓂᑦ ᓂᕈᐊᖅᑕᐅᓯᒪᔪᓂ ᐃᓕᓐᓂᐊᖅᓯᒪᔪᓂᓗ ᐅᖅᓱᓕᕆᔨᖃᖅᖢᑎᒃ ᐅᖅᓴᒃᓴᐃᕙᒃᖢᑎᒃᓗ ᓂᐅᕕᐊᒃᓴᖃᖅᐸᒃᓗᑎᒃᓗ ᓄᓇᓕᖕᒥᐅᓄᑦ ᐊᕐᕌᒍᑕᒫᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ, ᓄᓇᓕᖕᓄᑦ ᒐᕙᒪᒃᑯᓐᓄᓪᓗ ᐱᔨᑦᑎᕋᖅᑎᒃᑯᑦ ᐃᑭᐊᖅᑭᕕᐊᑕ ᑐᑭᓯᒋᐊᕐᕕᐊᓄᐊᕐᓗᑎᑦ.

ᖁᓪᓕᖅ ᐊᐅᓚᔪᓐᓇᐅᑎᓕᕆᔨᒃᑯᑦ ᑎᒥᖁᑖ (QEC) ᓄᓇᕗᒻᒥᑦ ᑎᒥᖁᑕᐅᕗᖅ 100 ᐳᓴᓐᑎᒥᓪᓗ ᓇᖕᒥᓂᖁᑎᒋᔭᐅᓪᓗᓂ ᓄᓇᕗᑦ ᒐᕙᒪᖓᒃᑯᖏᓐᓄᑦ. ᖁᓪᓕᖅ ᐊᐅᓚᔪᓐᓇᐅᑎᓕᕆᔨᒃᑯᑦ ᐊᐅᓚᐅᑎᖃᖅᑐᑐᐊᖑᕗᑦ, ᓯᐊᒻᒪᒃᓴᐃᔨᐅᓪᓗᑎᒃᓄ ᓱᑲᓐᓇᖅᑐᓂᑦ ᐊᐅᓚᔾᔪᓐᓇᐅᑎᓂᑦ ᓄᓇᕗᒻᒥᑦ.

ᑕᒪᕐᒥᒃ ᓄᒃᑭᖕᓇᖅᑐᖅ ᐊᑐᖅᑕᐅᔭᕆᐊᓖᑦ ᓄᓇᕗᒻᒥᑦ ᐱᔭᐅᖃᑦᑕᖅᐳᑦ ᓇᒃᓯᐅᔾᔭᓂᑦ ᐅᖅᓱᐊᓗᒃᓴᓂᑦ, ᐱᓗᐊᖅᑐᒥᑦ ᐃᒐᓯᐅᑎᒃᓴᐃᑦ. ᖁᓪᓕᖅ ᐊᐅᓚᔪᓐᓇᐅᑎᓕᕆᔨᒃᑯᑦ ᐊᐅᓚᔪᓐᓇᐅᑎᓕᕆᔨᑐᐊᖑᕗᑦ ᑲᓇᑕᒥ ᓄᓇᓕᖕᓂᑦ ᐱᓯᒪᙱᑦᑐᓂ ᐊᐅᓚᔪᓐᓇᐅᑎᓂ ᓄᑭᓪᓚᐅᑎᑖᖃᑦᑕᙱᑦᑐᓪᓘᓐᓃᑦ ᐊᕕᒃᑐᖅᓯᒪᕝᕕᒋᔭᖏᓐᓂᑦ ᐱᓕᕆᔾᔪᑎᒃᓴᓂ, ᑐᙵᕕᖃᓗᐊᓕᖅᖢᑎᒃ ᐃᒐᓯᐅᑎᓂᑦ. ᓄᓇᓕᓕᒫᑦ ᓄᓇᕗᒻᒥᑦ ᓄᑭᓪᓚᐅᑎᖃᖅᑐᓕᒫᑦ ᐊᐅᓚᐅᑎᖃᕐᕕᖕᓂᑦ ᓯᐊᒻᒪᒃᓴᐃᕙᒃᑐᓂᑦᖕᓇᖅᑐᖅ. ᑭᖑᕝᕕᖅᑎᖃᙱᑦᑐᑦ.

16,680-ᐅᓪᓗᐊᐸᓗᒃᑐᑦ ᐊᐅᓚᔪᓐᓇᐅᑎᑖᓱᓂ ᓄᓇᕗᒻᒥᑦ. ᓄᑭᓪᓚᐅᑏᑦ ᓯᐊᒻᒪᓲᑦ ᓄᓇᕗᒻᒥᐅᓄᑦ ᐊᐅᓚᑕᐅᓂᖏᑎᒍᑦ 26-ᓄᑦ ᐃᒐᓯᐅᑎᓅᖅᑐᓄᑦ ᐊᐅᓚᐅᖃᕐᕕᖕᓂᑦ 25-ᓂ ᓄᓇᓕᖕᓄᑦ. ᐊᐅᓚᐅᑎᓅᖅᑐᑦ, ᓄᑭᓪᓚᐅᑎᓅᖅᑐᑦ ᓴᕕᒐᐅᔭᓕᕆᓃᓪᓗ ᐱᖓᓲᓕᖓᔪᓄᑦ ᐊᕕᒃᑐᖅᓯᒪᔪᑦ ᐱᔨᑦᑎᖅᑕᐅᕙᒃᐳᑦ, ᐊᐅᓚᑦᑎᓃᖅ ᐊᐅᓚᔪᓐᓇᐅᑎᓕᕆᔨᒃᑯᑦ ᐱᓕᕆᐊᖑᓂᖏᑦ ᑐᑭᒧᐊᒃᑕᐅᕗᑦ ᐊᖓᔪᖅᑲᐅᑎᖃᕐᕕᐊᓂᑦ ᖃᒪᓂᑦᑐᐊᒥ ᐃᖃᓗᐃᓪᓗ ᑎᑎᕋᕐᕕᖏᓐᓂᑦ.

ᖁᓪᓕᖅ ᐊᐅᓚᔪᓐᓇᐅᑎᓕᕆᔨᒃᑯᑦ ᑎᒥᕈᖅᑎᑕᐅᓯᒪᔪᖅ ᐊᐅᓚᖦᖢᑎᒃᓗ ᖁᓪᓕᖅ ᐊᐅᓚᔪᓐᓇᐅᑎᓕᕆᔨᒃᑯᑦ ᑎᒥᖃᑕᑕ ᐱᖁᔭᖏᑦᒍᑦᑖᒃᑯᐊᓗ ᐊᐅᓚᔪᓐᓇᐅᑎᑦ ᐊᑭᒃᓴᖏᑦ ᐊᐅᓚᑕᐅᓪᓗᑎᒃ ᒪᓕᒃᖢᑎᒃ ᐆᒻᒪᖅᑯᑏᑦ ᐊᑭᖏᓐᓂᑦ ᕿᒥᕐᕈᔩᑦ ᑲᑎᒪᔨᖏᑦᑕ ᐱᖁᔭᖓᑎᒍᑦ.

ᑐᑭᓯᒋᐊᒃᑲᓐᓂᕈᒪᒍᑦ, ᖁᓪᓕᖅ ᐊᐅᓚᔪᓐᓇᐅᑎᓕᕆᔨᒃᑯᑦ ᐃᑭᐊᖅᑭᕕᐊᓄ ᑐᑭᓯᐸᕐᕕᐊᓄᐊᕐᓗᑎᑦ.

 

ᑖᒃᑯᐊ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ (NHC) ᐱᓕᕆᖃᑦᑕᖅᐳᑦ ᑐᕌᖓᔭᐅᔪᓂᑦ ᐃᒡᓗᓕᕆᓂᖕᓄᑦ ᐋᖅᑭᐅᒪᔾᔪᑎᒃᓴᓂ ᓄᓇᕗᒻᒥᐅᓄᑦ ᐃᒡᓗᓕᐅᖕᓂᒃᑯᑦ ᑭᒃᑯᓕᒫᓄᑦ ᐃᒡᓗᒃᓴᓄᑦ ᐱᓕᕆᐊᓂᑦ, ᓄᓇᕗᑦ ᒐᕙᒪᒃᑯᖏᑦᑕ ᐃᖅᑲᓇᐃᔭᖅᑎᖁᑎᖏᓐᓄᑦ ᐃᒡᓗᖁᑎᖏᓐᓄᑦ ᐱᓕᕆᐊᓄᑦ ᐊᒥᓱᒐᓚᖕᓄᓪᓗ ᓇᖕᒥᓂᖅ ᐃᒡᓗᖁᑎᖃᖕᓂᖕᒧᑦ ᐃᑲᔪᖅᓱᐃᓂᖕᓄᑦ ᐱᓕᕆᐊᒃᓴᓂᑦ.

ᑭᒃᑯᓕᒫᓄᑦ ᐃᒡᓗᐃᑦ ᐱᓕᕆᐊᖑᖃᑦᑕᖅᐳᑦ ᐊᐅᓚᑦᑎᓂᖕᒧᑦ ᐊᖏᕈᑎᑎᒍᑦ ᓄᓇᕗᒻᒥᑦ ᐃᒡᓗᓕᕆᔨᕐᔪᐊᒃᑯᑦ 25-ᓂ ᓄᓇᓕᖕᓂ ᐱᓕᕆᖃᑎᖏᑎᒍ, ᓄᓇᓕᖕᓂᑦ ᐃᒡᓗᓕᕆᔨᒃᑯᑦ (LHO). ᑭᒃᑯᓕᒫᓄ ᐃᒡᓗᐃᑦ 50-ᐳᓴᓐᑎᐅᓪᓗᐊᖅᐳᑦ ᑕᒪᐃᓐᓂᒃ ᐃᒡᓗᒋᔭᐅᔪᓂᑦ ᓄᓇᕗᒻᒥᑦ. ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᑲᒪᒋᔭᖃᖅᐳᑦ ᓄᓇᕗᑦ ᒐᕙᒪᖓᒃᑯᖏᑦᑕ ᐃᖅᑲᓇᐃᔭᖅᑎᓄᑦ ᐃᒡᓗᖁᑎᖏᓐᓂᑦ, ᐊᑐᖅᖢᑎᒃ ᓄᓇᕗᑦ ᒐᕙᒪᒃᑯᖏᑦ ᐃᖅᑲᓇᐃᔭᖅᑎᓄᑦ ᐃᒡᓗᖁᑎᖏᓐᓄᑦ ᐊᑐᐊᒐᓂᑦ. ᓄᓇᕗᑦ ᒐᕙᒪᒃᑯᖏᑦᑕ ᐃᖅᑲᓇᐃᔭᑎᓄᑦ ᐃᒡᓗᖁᑎᖏᑦ 13-ᐳᓴᓐᑎᓪᓗᐊᑕᐅᕗᑦ ᐃᒡᓗᒋᔭᐅᔪᓂᑦ ᓄᓇᕗᒻᒥᑦ.

ᑭᒃᑯᓕᒫᓄ ᐃᒡᓗᖁᑎᒋᔭᑦ ᓄᓇᕗᒻᒥᓪᓗ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑎᓄᑦ ᐃᒡᓗᖁᑎᒋᑦ, ᑖᒃᑯᐊ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᑲᒪᒋᔭᖃᖅᐳᑦ ᐊᐅᓚᔪᓐᓇᐅᑎᖃᕆᐊᖃᖕᓂᖏᑦ 63-ᐳᓴᓐᑎᐅᔪᓄᑦ ᐃᒡᓗᓕᒫᓄᑦ ᓄᓇᕗᒻᒥᑦ. ᑕᒪᐃᓐᓅᖓᔪᖅ ᓄᒃᑭᒃᓚᐅᑎᓄᑦ ᐅᖅᑰᓴᐅᑎᓄᓪᓗ. ᐊᒻᒪᓗᑦᑕᐅᖅ, ᓄᓇᕗᒻᒥᑦ ᐃᒡᓗᓕᕆᔨᕐᔪᐊᒃᑯᑦ ᑲᒪᒋᔭᖃᕆᕗᑦ ᐊᒥᓱᒐᓚᓂ ᓇᖕᒥᓂᖅ ᐃᒡᓗᖁᑎᖃᖅᑐᓄᑦ ᐃᑲᔪᖅᓱᐃᔾᔪᑎᓄᑦ ᑐᕌᖓᔪᐃᑦ ᐊᐅᓚᔪᓐᓇᐅᑎᑐᓗᐊᙱᑦᑐᓂᑦ ᓲᕐᓗ ᓇᖕᒥᓂᖁᑎᒋᔭᐅᔪᓄᑦ ᐅᖅᓱᐊᓗᖃᕐᕕᖏᓐᓄᑦ ᐊᓯᔾᔩᔾᔪᑎᓄᑦ ᐃᒡᓗᖁᑎᒋᔭᓄᓪᓗ ᓄᑖᙳᕆᐊᖅᑎᑦᑎᔾᔪᑎᒃᓴᓂᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ, ᐃᑭᐊᖅᑭᕕᐊᑕ ᑐᑭᓯᒋᐊᕐᕕᐊᓄᐊᕐᓗᑎᑦ.

ᐊᕙᑎᓕᕆᔨᒃᑯᑦ (DOE) ᓯᕗᒃᑲᖅᑕᖅᑎᐅᕗᑦ ᑲᒪᒋᔭᖃᖅᖢᑎᒃ ᓴᐳᒻᒥᔭᐅᓂᖓᓂ, ᐱᕚᓪᓕᖅᑎᑕᐅᓂᒃᓴᖓᓂ, ᐊᑐᒃᑲᓐᓂᕈᓐᓇᖅᑐᓂᒃ; ᓄᓇᒥᙶᖅᓯᒪᔪᑦ ᓄᓇᕗᒻᒥᑦ. ᐊᕙᑎᓕᕆᔨᒃᑯᑦ ᐱᓕᕆᐊᖃᖅᐳᑦ ᐊᒥᓱᒐᓚᖕᓂᑦ ᒪᓕᒐᒃᓴᓂ ᐱᓕᕆᔾᔪᑎᓂᒃᓗ ᑕᒪᒃᑯᐊ ᐊᐅᓚᑕᐅᑦᑎᐊᕋᓗᐊᕆᐊᒃᓴᖏᑦ ᐊᑐᒐᒃᓴᕗᑦ.

ᑲᒪᒋᔭᕆᐊᓕᖏᑦᑕ ᐃᓚᖓᑦ ᐊᒃᑐᐊᓂᖃᖅᐳᖅ ᐊᐅᓚᔪᓐᓇᐅᑎᓂ ᐅᖅᓱᐊᓗᒃᓴᓂᒃᓗ ᐊᑐᖕᓂᖅ ᓄᓇᕗᒻᒥᑦ, ᑖᒃᑯᐊ ᐱᓕᕆᕕᐅᔪᑦ ᑲᒪᒋᔭᖃᖅᑐᑦ ᓄᓇᕗᒻᒥᑦ ᒪᓕᒃᑎᑦᑎᓂᖕᓂᑦ ᐊᕙᑎᓄᑦ ᐱᖁᔭᓂᑦ ᒪᓕᒋᐊᓕᖕᓂᓪᓗ ᐊᕙᑎᑦᑎᓐᓂᒃ ᓴᐳᔾᔨᓂᕐᒧᑦ ᐱᖁᔭᖕᒥᑦ ᐊᒻᒪᓗ ᑯᕕᔪᖃᖅᑎᓪᓗᒍ ᐸᖕᓇᐅᑎᓯᐅᖕᓂᖅ ᐅᓂᒃᑳᓕᐅᖕᓂᖕᓄᓪᓗ ᒪᓕᒋᐊᓕᖕᓂᑦ. ᑕᐃᒪᑎᓪᓗᒋᑦ, ᐊᕙᑎᓕᕆᔨᒃᑯᑦ ᖃᐅᔨᓴᖃᑦᑕᖅᐳᑦ ᕿᒥᕐᕈᓇᒃᐸᒃᖢᑎᒃᓗ ᖁᐊᖅᓵᖕᓇᖅᑐᓂᑦ ᑯᕕᔪᓂᑦ, ᐃᓕᓐᓂᐊᕐᑎᑦᑎᓂᖕᓂᑦ ᑯᕕᔪᓕᕆᓂᖕᓂᑦ, ᐱᒋᐊᖅᑎᑦᑎᓯᒪᓪᓗᑎᒃᓗ ᐊᖏᕐᕋᕆᔭᓂᑦ ᐅᖅᓱᐊᓗᖃᐅᓯᕝᕕᖕᓂᓪᓗ ᖃᐅᔨᓴᖕᓂᖕᓂ ᐊᑭᖃᙱᑦᑐᓂᒃᓗ ᐅᖅᓱᐊᓗᓕᖅᓱᐃᖃᑦᑕᖕᓂᖕᓂᑦ.

ᑖᒃᑯᐊ ᐱᓕᕆᕝᕕᐅᔪᑦ ᑐᑭᒧᐊᒃᓯᖃᑦᑕᕆᕗᑦ ᓯᓚᐅᑉ ᐃᓕᖅᑯᓯᖓ ᐊᓯᔾᔨᕐᐸᓪᓕᐊᓂᖕᒧᑦ ᓱᖏᐅᑎᓴᔾᔪᑎᒃᓴᓂᑦ ᐱᒋᐊᖅᑎᑦᑎᓯᒪᓪᓗᑎᒃᓗ ᓄᓇᕗᑦ ᒐᕙᒪᒃᑯᖏᓐᓂᑦ ᐱᓕᕆᖃᑎᖃᑦᑎᐊᕋᓱᒃᖢᑎᒃ ᐊᓯᖏᓐᓂᑦ ᓄᓇᓕᖕᓂᑦ ᐊᓯᖏᓐᓂᒃᓗ ᐱᖃᖃᑕᐅᔪᓂ ᐃᑲᔪᖅᑐᐃᓇᓱᐊᖅᑐᑦ ᐱᕕᖃᕈᓐᓇᖁᓪᓗᒋᑦ ᓄᓇᕗᒻᒥᐅᑦ ᓱᖏᐅᑎᓂᖕᒧᑦ ᐊᒃᑐᖅᑕᐅᔪᑦ ᓯᓚᐅᑉ ᐃᓕᖅᑯᓯᖓ ᐊᓯᔾᔨᕐᐸᓪᓕᐊᓂᖏᓐᓄᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ, ᐃᑭᐊᖅᑭᕕᐊᑕ ᑐᑭᓯᒋᐊᑉᕕᐊᓄᐊᕐᓗᑎᑦ.

ᑐᑦᑕᕕᐅᓪᓗᐊᑕᖅᖢᑎᑦ ᑖᒃᑯᐊ, ᑮᓇᐅᔭᓕᕆᔨᒃᑯᑦ ᐅᖃᐅᔾᔪᐃᖃᑦᑕᖅᐳᑦ ᒥᓂᔅᑕᐅᔪᒧᑦ ᑮᓇᐅᔭᓕᕆᔨᒃᑯᓐᓄᑦ ᒪᓕᒐᓕᕆᔨᒃᑯᓪᓗ ᑮᓇᐅᔭᓕᕆᔨᒃᑯᖏᑦᑕ ᐊᐅᓚᑦᑎᓂᖕᒧᑦ ᑲᑎᒪᔨᖏᓐᓂᑦ ᐊᕐᕌᒎᒥ ᐱᕙᓪᓕᐊᓂᖕᓄᓪᓗ ᐊᑐᐊᒐᓕᕆᔪᓂᑦ, ᑲᒪᒋᔭᖃᖅᖢᑎᒃᓗ ᓄᓇᕘᑉ ᑖᒃᓯᖏᓐᓂᑦ ᐱᓕᕆᔾᔪᑕᐅᓲᓂᑦ, ᐊᐅᓚᑦᑎᕙᒃᖢᑎᒃᓗ ᓄᓇᕗᑦ ᒐᕙᒪᒃᑯᖏᑦᑕ ᐊᕐᕌᒍᑕᒫᑦ ᑮᓇᐅᔭᖏᓐᓂᑦ, ᐃᑲᔪᖅᑐᐃᓪᓗᑎᒃᓗ ᑮᓇᐅᔭᓄᑦ ᐊᐅᓚᑦᑎᓂᖕᓂᑦ ᓄᓇᕗᑦ ᒐᕙᒪᒃᑯᖏᑦᑕ ᐱᓕᕆᕝᕕᖏᓐᓂᑦ ᑭᒃᑯᓕᒫᓄᓪᓗ ᑐᑦᑕᕕᐅᔪᓂᑦ, ᐱᓕᕆᕙᒃᖢᑎᒃᓗ ᑖᒃᑯᐊ ᓄᓇᕗᑦ ᒐᕙᒪᒃᑯᖏᑦ ᐋᖅᑭᒃᓱᐃᑦᑎᐊᖃᑦᑕᕋᓗᐊᕆᐊᒃᓴᖏᓐᓂᑦ ᑮᓇᐅᔭᓕᕆᓂᖕᓂᑦ ᑕᒻᒪᖅᓯᒪᙱᒃᑲᓗᐊᕆᐊᒃᓴᖏᓐᓂᑦ ᓴᖅᑭᔮᖅᑐᒃᑰᕋᓗᐊᕆᐊᒃᓴᖏᓐᓂᒃᓗ.

ᐊᕐᕌᒍᒥ ᐱᕙᓪᓕᐊᓂᖕᓄᓪᓗ ᐊᑐᐊᒐᓕᕆᔨᒃᑯᑦ ᐱᓕᕆᖃᑎᖃᖃᑦᑕᖅᐳᑦ ᐱᓕᕆᕝᕕᐅᔪᓂᑦ ᑐᑭᓯᓇᓱᐊᖅᖢᑎᒃ ᐊᕐᕌᒍᒥ ᐱᕙᓪᓕᐊᓂᒃᑯᓪᓗ ᐊᒃᑐᖅᑕᐅᔪᐃᑦ ᓴᖅᑭᑕᐅᓇᓱᒃᑐᓄᑦ ᐊᑐᐊᒐᓂᑦ, ᓲᕐᓗ ᐊᐅᓚᔪᓐᓇᐅᑎᓄᑦ ᐊᑭᒃᖠᒋᐊᕈᑎᑐᑦ. ᑮᓇᐅᔭᓕᕆᔨᒃᑯᑦ ᐱᓕᕆᕙᒃᑭᕗᑦ ᐊᑭᑭᒃᓕᒋᐊᖅᓯᓇᓱᒃᖢᑎᒃ ᐊᑭᖏᓐᓂ ᓄᒃᑭᒃᓴᐅᑎᓂ ᓄᓇᕗᒻᒥᑦ ᐊᐅᓚᔾᔭᐅᑎᓄᑦ ᐊᑭᑭᒃᓕᕆᐊᕈᑎᓂᑦ ᐊᑭᒃᖠᒋᐊᕈᑕᐅᓲᑦ ᐊᑭᖏᓐᓂᑦ ᐊᖏᕐᕋᖃᖅᑎᐅ ᑕᒪᒃᑯᐊᓗ ᒥᑭᑦᑐᓂᑦ ᓇᖕᒥᓂᖅ ᐱᕙᓪᓕᐊᔪᐃᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ ᑮᓇᐅᔭᓕᕆᔨᒃᑯᑦ ᒥᒃᓵᓄᑦ ᐱᓕᕆᐊᖏᓐᓄᓪᓗ,  ᐃᑭᐊᖅᑭᕕᐊᓄ ᑐᑭᓯᐊᕐᕕᐊᓄᐊᕐᓗᑎᒃ.

ᐆᒻᒪᖅᑯᑎᑐᕈᓯᕐᓄᑦ ᖃᓄᖅᑑᒐᒃᓴᑦ

ᐊᑦᑎᒃᓯᒋᐊᕐᓗᒍ ᐅᖅᑰᓴᐅᑎᖓ ᐃᒪᕐᒧᑦ ᐅᖅᑰᓴᐅᑎᒃᑯᕕᖕᒥ ᐊᑯᓐᓂᖓᓂ 55 ᐊᒻᒪ 60 ᐆᓇᕐᓂᖓ.