ᐃᒡᓗᓂᒃ ᓇᖕᒥᓂᖃᖅᑎᓄᑦ ᐆᒻᒪᖅᑯᑎᑐᕈᓯᕐᓄᑦ ᖃᓄᖅᑑᒐᒃᓴᑦ

ᐅᖅᑰᓴᕐᓂᖅ

  1. ᐱᐊᓂᒡᓗᒍ ᐊᕐᕌᒍᑕᒫᑦ ᓴᓇᔭᐅᖃᑦᑕᕐᓂᖓ ᐅᖅᑰᓴᐅᑎᕕᑦ. ᑖᓐᓇ ᐱᑎᑦᑎᓂᐊᕐᑐᖅ ᐅᖅᑰᓴᐅᑏᑦ ᐊᐅᓚᑦᑎᐊᕐᓗᓂ ᖁᑦᑎᖕᓂᖅᐹᒥ ᐊᑐᕆᐊᓕᖕᒥ ᐊᒻᒪᓗ ᐊᐅᓚᔪᓐᓇᐅᑎᑐᓗᐊᖏᓐᓂᖅᓴᐅᓗᓂ ᐊᑭᑭᓐᓂᖅᓴᐅᓗᓂᓗ ᐊᐅᓚᑦᑕᕆᐊᖓ.

  2. ᐊᓯᔾᔨᕐᓗᒋᑦ ᐅᖅᑰᓴᐅᑎᐅᑉ ᐃᓗᓪᓕᖅᓯᓗᓂ ᐴᖏᑦ ᓱᕈᕌᖓᑕ. ᓱᐴᕐᓂᖓ ᐊᑦᑎᒃᓯᖃᑦᑕᕐᒪᑦ ᐴᖅᑕᖅ ᓱᕈᕌᖓᑦ, ᐅᖅᑰᓴᐅᑎ ᐊᑯᓂᐅᓂᖅᓴᖅ ᐃᖏᕐᕋᔭᕆᐊᖃᕐᒪᑦ ᐅᖅᑰᓴᖁᓪᓗᒍ ᐃᒡᓗᐃᑦ.

  3. ᐊᑦᑎᒃᓯᒋᐊᕐᓗᒍ ᐋᖅᑭᒋᐊᕈᑎ ᐅᖅᑰᓴᐅᑎᒧᑦ ᐅᓐᓄᐊᒃᑯᑦ ᓯᓂᒃᑎᓪᓗᑎᑦ ᐅᕝᕙᓘᓐᓃᑦ ᐊᐃᓯᒪᔪᖃᖖᒋᑎᓪᓗᒍ.

  4. ᐃᓕᓯᓗᑎᑦ ᐋᖅᑭᒃᓯᒪᔾᔪᑎᒥᑦ ᐋᖅᑭᒋᐊᕈᑎ ᐅᖅᑰᓴᐅᑎᒧᑦ. ᐊᑐᖖᒋᓐᓂᖅᓴᐅᓇᔭᖅᑐᑎᑦ 1-2% ᐅᖅᑰᓴᐅᑎᒧᑦ ᐊᑭᓕᒐᒃᓴᒧᑦ ᑕᒫᑦ 1o ᐅᖅᑰᓇᕐᓂᖓ ᐊᑦᑎᒃᓯᒋᐊᕌᖓᕕᐅᒃ ᐅᖅᑰᓴᐅᑏᑦ.

  5. ᐋᖅᑭᒋᐊᓕᕐᓗᒍ ᐅᖅᑰᓴᐅᑎᐅᑉ ᐊᐅᓚᑦᑎᔾᔪᑎᐊ, ᐋᖅᑭᒋᐊᖖᒋᓪᓗᒍ ᐅᖓᑖᓄᑦ ᐱᔪᒪᔭᕐᓄᑦ ᐃᒡᓗᕈᓯᐅᑉ ᐅᖅᑰᓂᕆᓂᐊᕐᑕᖓᓄᑦ. ᑕᐃᒪᐃᒃᑲᓗᐊᕈᕕᑦ ᓱᒃᑲᓂᕐᓴᒥᒃ ᐅᖅᑰᓯᔾᔮᖖᒋᑦᑐᖅ. ᐊᔪᕐᓇᖖᒋᑦᑐᑯᓘᖕᒪᑦ ᐳᐃᒍᕆᐊᒃᓴᖅ ᐊᕐᐸᕐᑎᒋᐊᕆᐊᖓ ᐊᑐᖅᑎᑦᑎᑐᐃᓐᓇᕋᔭᖅᑐᖅ ᐊᐅᓚᔪᓐᓇᐅᑎᐅᑉ ᑮᓇᐅᔭᕐᑐᕐᓂᖓᓂᑦ.

  6. ᐃᓕᓯᓗᑎᑦ ᕿᓪᓕᖅᑑᔭᓂᑦ ᓯᓚᑖᓃᓐᓂᖅᓴᓄᑦ ᐹᓄᑦ ᐊᒻᒪᓗ ᐃᒐᓛᓄᑦ ᐊᓯᐅᔨᖁᓇᒃ ᐅᖅᑰᓂᖓᓂᑦ ᐊᖏᕐᕋᕐᓂᒃ.

  7. ᐃᓕᓯᓗᑎᑦ ᓂᐱᑎᑦᑕᕆᐊᓕᖕᒥᑦ ᐅᕝᕙᓘᓐᓃᑦ ᐊᓪᓚᕈᔾᔭᒐᕐᒥᑦ ᐃᒐᓛᑦ ᓯᓈᒍᑦ, ᐹ ᓯᓈᒍᑦ, ᐊᕙᓗᖓᒍᑦ ᐊᒻᒪᓗ ᑲᑎᑦᑕᕆᐊᖏᓐᓄᑦ.

  8. ᐊᑐᕐᓗᑎᑦ ᕿᓪᓕᖅᑑᔭᓂᑦ ᐃᒐᓛᕐᒧᑦ ᐅᓕᓂᒃ ᐅᖅᑰᔪᒥᑦ ᐊᓯᐅᔨᖁᓇᒃ ᐅᑭᐅᒃᑯᑦ. 25% ᐅᖅᑰᓴᕐᓂᖅ ᐊᓯᐅᓲᖅ ᐃᒐᓛᑎᒍᑦ.

  9. ᐃᓕᓯᖏᓪᓗᑎᑦ ᐃᒡᓗᒥᐅᑕᓂᑦ, ᓇᑎᕋᕐᓂᑦ ᐅᕝᕙᓘᓐᓃᑦ ᑕᓗᓂᑦ ᐅᖅᑰᓴᐅᑎᐅᑉ ᒥᒃᓵᓄᑦ ᐊᒻᒪᓗ ᓱᐴᕐᑐᓄᑦ. ᑕᐃᒪᐃᒃᑯᕕᑦ ᐅᓚᕕᓴᖅᑕᐅᔾᔮᖖᒋᑦᑐᖅ ᐃᖏᕐᕋᓂᖓ ᐅᖅᑰᓴᕐᓂᐅᑉ ᐊᖏᕐᕋᕐᓂᑦ.

  10. ᓯᕿᓐᓂᑲᑕᒃᑎᓪᓗᒍ, ᑕᓗᐃᕐᓗᒍ ᓂᒋᕐᒧᑦ ᓵᖖᒐᓗᓂ ᐃᒐᓛᖅ ᓯᕿᓂᖅ ᐃᑲᔪᖁᓪᓗᒍ ᐅᖅᑰᓴᕐᓂᕐᒥᑦ ᐊᖏᕐᕋᕐᓂ. ᐊᖏᔪᓂᑦ ᐃᒐᓛᖃᕈᕕᑦ ᐱᔪᓐᓇᖖᒋᑦᑐᓂᑦ ᓯᕿᓐᓂᕐᓂᕐᒥᑦ, ᑕᓗᓯᒪᐃᓐᓇᕐᓗᒍ. ᑕᓗᐃᑦ/ᑕᓗᐃᑦ ᒪᑐᑦᑕᖅᑐᑦ ᒪᑐᓯᒪᕙᒡᓗᒋᑦ ᐅᓐᓄᐊᒃᑯᑦ ᐅᖅᑰᓴᕐᓂᖅ ᐃᓗᐊᓃᖁᓪᓗᒍ.

  11. ᐃᓪᓕᖅᓱᕐᓗᒋᑦ ᐅᕝᕙᓘᓐᓃᑦ ᐊᖕᒪᔪᐃᑦ ᒪᑐᐊᖅᑎᕐᓗᒋᑦ ᓱᓪᓗᓖᑦ, ᓱᓪᓗᓕᕋᓛᑦ, ᓱᐴᕈᑏᑦ ᐅᕝᕙᓘᓐᓃᑦ ᐅᖅᑰᓴᐅᑎᐅᑉ ᐃᓂᖏᑦ ᐊᑭᓐᓇᒦᓲᑦ, ᐃᒡᓘᑉ ᖁᓛᓂ ᐅᕝᕙᓘᓐᓃᑦ ᓇᑎᕐᒥ ᐅᖅᑰᓴᖅᑐᒃᑯᑦ ᖅᑰᓴᖖᒋᑦᑐᒃᑯᓪᓗ.

ᐃᒪᖅ

  1. ᐃᓪᓕᕆᓗᒍ ᑯᕕᕐᔪᐊᓲᖑᖖᒋᑦᑐᒥᑦ ᐅᕕᓂᖕᓂᐊᕈᑎᒧᑦ ᐊᒻᒪᓗ ᑯᕕᑎᔾᔪᑎᓄᑦ. ᑖᒃᑯᐊ ᐅᕕᓂᖕᓂᐊᕈᑏᑦ ᐊᑐᖖᒋᓐᓂᖅᓴᐅᔪᓐᓇᕐᒪᑕ 15% ᐆᓇᖅᑐᒥᑦ ᐃᒪᕐᒥᑦ ᐊᑭᖏᓐᓂᑦ, ᑯᕕᑎᔾᔪᑏᑦ ᒥᒃᖠᒋᐊᖅᑎᑦᑎᔪᓐᓇᖅᑎᓪᓗᒋᑦ ᐃᒪᕐᑐᕐᓂᕐᒥᑦ 10%-ᐸᓗᖕᒥᑦ. ᑯᕕᕐᔪᐊᓲᖑᖖᒋᑦᑐᑦ ᐅᕕᓂᖕᓂᐊᕈᑎᒧᑦ ᐊᒻᒪᓗ ᑯᕕᑎᔾᔪᑎᓄᑦ ᐃᒪᐃᐸᓗᖕᒪᑕ 1.0 - 2.5 GPM (ᐃᒪᖅᑐᓂᖓ ᖃᐅᔨᓴᐅᑎᐅᑉ ᓱᒃᑲᓂᖅᓴᖓᒍᑦ).

  2. ᐅᐊᓴᕐᓗᒋᑦ ᑕᒪᕐᒥᑦᑎᐊᖅ ᓂᕐᕆᓰᑦ ᓂᕐᕆᓯᓄᑦ ᐅᐊᓴᕈᑎᒧᑦ ᐊᒻᒪᓗ ᐸᓂᕐᑎᓪᓗᒋᑦ.

  3. ᐊᑐᕐᑕᐃᓕᒋᐊᕐᓗᑎᑦ ᐅᐊᓴᐃᓂᕐᒥᑦ ᓂᕐᕆᑎᓂᑦ ᐆᓇᖅᑐᒧᑦ ᐃᒪᕐᒧᑦ. ᐅᐊᓴᕐᕕᒃ ᓇᑉᐸᖓᓄᑦ ᐃᒻᒥᕐᓗᒍ ᐅᐊᓴᐃᓕᕐᓗᑎᑦ.

  4. ᐊᑦᑎᒃᓯᒋᐊᕐᓗᒍ ᐅᖅᑰᓴᐅᑎᖓ ᐃᒪᕐᒧᑦ ᐅᖅᑰᓴᐅᑎᒃᑯᕕᖕᒥ ᐊᑯᓐᓂᖓᓂ 55 ᐊᒻᒪ 60 ᐆᓇᕐᓂᖓ.

  5. ᐊᑐᓗᐊᖅᑕᐃᓕᒋᐊᕐᓗᑎᑦ ᐃᒪᕐᒥᑦ ᐋᖅᑭᒡᓗᒋᑦ ᑯᑐᒃᑐᑦ ᐊᒻᒪᓗ ᓴᓂᐊᒍᑦ ᑯᕕᔪᑦ.

  6. ᑯᕕᔪᓐᓃᕐᑎᑉᐸᒡᓗᒍ ᑭᒍᑎᓯᐅᓕᕌᖓᕕᑦ ᐅᕝᕙᓘᓐᓃᑦ ᐅᖖᒋᔭᓕᕌᖓᕕᑦ ᑯᕖᓐᓇᖅᑎᖖᒋᖔᕐᓗᒍ.

  7. ᓇᐃᑦᑐᓂᑦ ᑎᒦᑦ ᐅᐊᓵᓪᓚᒃᐸᒡᓗᒍ ᐅᕕᓂᖕᓂᐊᖏᖔᕐᓗᑎᑦ. ᑕᓪᓕᒪᑦ ᑕᑭᓂᖅᓴᖓᒍᑦ ᖃᐅᔨᓴᐅᑦ ᑎᒥᒃᑯᑦ ᐅᐊᓴᕐᓂᖅ ᐊᑐᓲᖅ ᓇᑉᐸᓪᓗᐊᖓᓂ ᐃᒪᐅᑉ ᐅᕕᓂᖕᓂᐊᕐᑎᓪᓗᑎᑦ.

  8. ᐃᓪᓕᕆᓗᒍ ᐃᒪᕐᒥᒃ-ᐊᑐᓗᐊᖖᒋᔾᔪᑎᒥᑦ ᑯᕕᑎᔾᔪᒻᒥᑦ ᖁᕐᕕᖕᒧᑦ. ᐊᑐᓗᐊᖖᒋᓐᓂᖅᓴᐅᓇᔭᖅᑐᑦ ᑕᐅᓴᑎᓂᑦ ᐃᒪᕐᓂᑦ ᐊᕐᕌᒍᒥ.

  9. ᐃᓱᒪᒃᓴᖅᓯᐅᕆᑦ ᐊᓯᔾᔨᕐᓂᐊᕐᓗᒍ ᐊᖏᔪᓂᑦ-ᐊᑐᓲᑦ ᖁᕐᕖᑦ 6-ᐃᒪᖅᑯᖅᑐᓂᖓ-ᑯᕕᑎᖦᖢᒍ ᐋᖅᑭᒃᑕᐅᓯᒪᔪᓄᑦ. ᐊᑐᓗᐊᖖᒋᓐᓂᖅᓴᐅᓇᔭᖅᑐᑎᑦ 70% ᐃᒪᕐᒥᑦ ᐊᑐᖅᐸᒃᑕᕐᓂᑦ.

ᐃᑯᒪᐃᑦ

  1. ᖃᒥᑉᐸᒡᓗᒋᑦ ᐃᑯᒪᐃᑦ ᕿᒪᐃᓕᕌᖓᕕᑦ ᐃᒡᓗᕈᓯᕐᒥᑦ.

  2. ᐊᓯᔾᔨᕐᓗᒋᑦ ᐊᑐᒐᔪᒃᑕᑎᑦ ᖃᐅᒻᒪᖅᑯᑏᑦ ᐊᐅᓚᔪᓐᓇᐅᑎᒧᑦ-ᐊᑐᓗᐊᕐᓇᖖᒋᑦᑐᒧᑦ ᖃᐅᒻᒪᖅᑯᑎᓄᑦ, ᖁᓖᖅᓱᕐᓗᓂ ᐊᑯᓂᐅᓂᖅᓴᖅ ᐊᑐᕈᓐᓇᖅᑐᑦ. ᐊᑕᐅᓯᖅ 20-25 ᓴᖖᒋᓂᓕᒃ ᐊᐅᓚᔪᓐᓇᐅᑎᒧᑦ ᐊᑐᓗᐊᕐᓇᖖᒋᑦᑐᖅ ᖃᐅᒻᒪᖅᑯᑎ ᐱᑎᑦᑎᓲᖅ ᖃᐅᒪᓂᕐᒥᑦ 100-ᓴᖖᒋᓂᖓ ᖃᐅᒻᒪᖅᑯᑎᑐᐃᓐᓇᕐᑎᑐᑦ.

ᐊᓐᓄᕌᓂᑦ ᐅᐊᓴᐃᓂᖅ

  1. ᓂᒡᓕᓇᖅᑐᒥᑦ ᐊᑐᖃᑦᑕᕐᓗᑎᑦ ᐅᐊᓴᐃᓕᕌᖓᕕᑦ ᐊᓐᓄᕌᓂᑦ. ᑕᒪᕐᒥᑲᓴᒃ ᐊᐅᓚᔪᓐᓇᐅᑎᒥᑦ ᐊᑐᓲᖑᖕᒪᑦ ᐊᓐᓄᕌᑎᑦ ᐅᐊᓴᓕᕌᖓᖕᓂ ᐆᓇᖅᑎᓐᓇᓱᒡᓗᒍ ᐃᒪᖅ.

  2. ᐅᐊᓴᐃᓗᑎᑦ ᐊᓐᓄᕌᓂᑦ ᑕᑕᓪᓗᒍ ᐃᓚᐃᓐᓇᖓᓂᐅᖖᒋᑦᑐᖅ. ᐊᑐᓗᐊᖖᒋᓐᓂᖅᓴᐅᓂᐊᖅᑐᑎᑦ ᐃᒪᕐᒥᑦ, ᐃᑲᕐᕋᒥᑦ, ᐊᒻᒪᓗ ᑮᓇᐅᔭᕐᒥᑦ.

  3. ᐃᓱᒪᒋᓗᒍ ᓂᐅᕕᕆᐊᒃᓴᖅ ᓯᕗᓂᕐᒥ ᐃᒻᒥᖅᓯᓲᖅ ᐊᐅᓚᔪᓐᓇᐅᑎᒥᑦ ᐊᑐᓗᐊᕐᓇᖖᒋᑦᑐᖅ ᐅᐊᓴᒻᒪᓰᒥᑦ. ᐊᑐᖖᒋᓐᓂᖅᓴᐅᓲᑦ ᐃᒪᕐᒥᑦ, ᐊᒻᒪᓗ ᒥᑭᓐᓂᖅᓴᒥᑦ ᐊᓐᓄᕌᓄᑦ ᐅᐊᓴᐅᑎᒥᑦ.

  4. ᐊᔪᕐᓇᖖᒋᑐᐊᖅᐸᑦ, ᓂᕕᖓᑎᖔᕐᓗᒋᑦ ᐸᓂᖅᓯᕐᓗᒋᑦ ᐊᓐᓄᕌᑦ ᐊᑐᖅᑕᐃᓕᒪᒧᑦ ᐸᓂᖅᓰᕕᖕᒥᑦ.

  5. ᐊᑐᓕᕌᖓᕕᐅᒃ ᐸᓂᖅᓰᕕᒃ, ᓴᓗᒪᑏᓐᓇᕐᓗᒍ ᓱᕈᕐᓂᒃ ᑲᑎᑦᑎᔾᔪᑎ ᐊᖕᒪᔪᒐᓛᒃ ᐅᐊᓴᐃᖖᒋᓐᓂᕐᓂ.

  6. ᐊᑐᕐᓗᒍ ᐸᓂᖅᓰᕕᒃ ᑭᖑᓕᕇᒃᑕᕐᓗᒋᑦ. ᑲᑎᑉᐸᓪᓕᐊᔪᑦ ᐆᓇᖅᑐᑦ ᑐᑭᖃᕐᒪᑦ ᒥᑭᓐᓂᖅᓴᒥᑦ ᐊᐅᓚᔪᓐᓇᐅᑎᒥᑦ ᐊᑐᕐᓂᕐᒥᑦ.

ᐃᖏᕐᕋᔾᔪᑏᑦ

  1. ᐱᓱᒃᐸᒡᓗᑎᑦ ᐊᔪᕐᓇᖖᒋᑦᑕᕌᖓᑦ ᐊᖁᖖᒋᖔᕐᓗᑎᑦ ᐃᖏᕐᕋᔾᔪᑎᒃᑯᑦ, ᓯᑭᑑᒃᑯᑦ ᐅᕝᕙᓘᓐᓃᑦ ᑎᓴᒪᓕᒃᑯᑦ.

  2. ᓂᐅᕕᓕᕈᕕᑦ ᐃᖏᕐᕋᔾᔪᑎᒥᑦ, ᑕᑯᓇᓱᒡᓗᑎᑦ ᐱᐅᔪᒥᑦ ᐅᖓᓯᖕᓂᖃᖅᑐᒥᑦ.

  3. ᐊᓐᓄᕌᑎᑦ ᐸᓂᖅᓯᕐᓗᒋᑦ ᓂᕕᖓᔪᒧᑦ ᐊᑐᖖᒋᖔᕐᓗᒍ ᐸᓂᖅᓰᕕᒃ.

  4. ᓂᐅᕕᕐᓗᑎᑦ ᐅᐊᔭᒨᖅᑐᒥᑦ ᐃᑲᕐᕋᓕᖕᒥᑦ ᑲᑉᐳᔾᔭᕐᓂᐊᕐᑕᕐᓂᒃ ᐃᖏᕐᕋᔾᔪᑎᖕᓄᑦ. ᐃᖏᕐᕋᔾᔪᑎᒧᑦ ᐆᓇᖅᑎᑦᑎᔾᔪᑏᑦ ᐃᖏᕐᕋᑐᐃᓐᓇᕈᓐᓇᕐᒪᑕ 2-3 ᐃᑲᕐᕋᓄᑦ ᐆᓇᖅᓯᑎᑦᑎᐊᕐᓗᑎᒃ ᐃᖏᕐᕋᔾᔪᑎᒥᑦ.

ᑲᑉᐳᔾᔭᕐᑐᓅᖅᑐᑦ

  1. ᖃᒥᓪᓗᒍ ᖃᕋᓴᐅᔭᐃᑦ, ᑕᕐᕆᔭᕈᑏᑦ ᐊᒻᒪᓗ ᐊᓯᖏᑦ ᑲᑉᐳᔾᔭᖅᑐᒨᖅᑐᑦ ᐊᑐᕈᓐᓃᕌᖓᑕ.

  2. ᐊᓯᔾᔩᓕᕌᖓᕕᑦ ᑲᑉᐳᔾᔭᖅᑐᒨᖅᑐᓂᑦ, ᕿᓂᕐᓗᑎᑦ ᐊᑐᓗᐊᕐᓇᖖᒋᑦᑐᒥᑦ, ᐊᐅᓚᔪᓐᓇᐅᑎᒧᑦ ᐱᐅᔪᓂᑦ ᑲᑉᐳᔾᔭᖅᑐᒨᖅᑐᓂᑦ. ᑖᒃᑯᐊ ᐊᑐᒐᔪᒃᑐᑦ ᒥᑭᓛᖑᓪᓗᒍ 20% ᒥᑭᓐᓂᖅᓴᒥᑦ ᐊᐅᓚᔪᓐᓇᐅᑎᒥᑦ.

  3. ᐃᖏᕐᕋᑎᓪᓗᒍ ᓂᕐᕆᓯᓄᑦ ᐅᐊᓴᕈᑎ ᐱᒋᐊᓕᓵᖅᑎᓪᓗᒍ ᐅᓪᓗᖅ ᐅᕝᕙᓘᓐᓃᑦ ᐅᐊᑦᑎᐊᕈᒃᑲᓐᓂᖅ ᐅᓐᓄᒃᑯᑦ ᐊᐅᓚᔪᓐᓇᐅᑎᑐᕐᓃᑦ ᒥᑭᓐᓂᖅᓴᐅᓕᕌᖓᑕ. ᐊᑐᖅᑕᐃᓕᓂᖅ ᐊᐅᓚᔪᓐᓇᐅᑎᒥᑦ  ᐅᖅᑰᓇᓗᐊᖅᑎᓪᓗᒍ ᐅᕝᕙᓘᓐᓃᑦ ᓂᒡᓚᓱᓗᐊᖅᑎᓪᓗᒍ ᐊᑑᑎᖃᕈᓐᓇᕐᒥᔪᖅ ᐊᑐᖅᐸᒃᑐᓄᑦ.

  4. ᐃᓱᒪᒋᓗᒍ ᐊᓯᔾᔨᕆᐊᖓ ᓄᑕᐅᖖᒋᑦᑐᖅ ᖁᐊᒃᑯᕖᑦ ᓄᑖᒧᑦ ᐊᐅᓚᔪᓐᓇᐅᑎᒧᑦ-ᐊᑐᓗᐊᕐᓇᖖᒋᑦᑐᕐᒧᑦ ᖁᐊᒃᑯᕕᖕᒧᑦ. ᐅᓪᓗᒥ ᐊᐅᓚᔪᓐᓇᐅᑎᒧᑦ ᐱᐅᔪᖅ® ᐱᔪᓐᓇᖅᑐᑦ ᖁᐊᒃᑯᕕᖕᒥ ᐊᑐᕐᓗᓂ 50% ᒥᑭᓐᓂᖅᓴᒥᑦ ᐊᐅᓚᔪᓐᓇᐅᑎᒥᒃ ᑕᐃᒃᑯᓂᖓ ᓴᓇᔭᐅᓯᒪᔪᓂᑦ ᐊᕐᕌᒍᑦ ᖁᓖᑦ ᐅᖓᑖᓂ.

  5. ᖃᐅᔨᓴᕈᑎᑕᖃᖅᐸᑦ ᐸᓂᖅᓰᕕᖕᓂ, ᑖᓐᓇ ᐊᑐᕐᓗᒍ ᖃᒥᑲᐅᑎᒋᓇᔭᕐᒪᑦ ᐃᖕᒥᓂᒃ ᐊᓐᓄᕌᑦ ᐸᓂᖅᐸᑕ.

  6. ᓂᐅᕕᕐᓗᑎᑦ ᖁᐊᒃᑯᕕᖕᒥᑦ ᐊᒻᒪᓗ/ᐅᕝᕙᓘᓐᓃᑦ ᐃᓗᑦᑕᐃᓐᓇᒥᑦ ᖁᐊᒃᑯᕕᖕᒥᑦ ᐊᖏᓂᖓ ᓈᒻᒪᒋᑐᐃᓐᓇᕐᓗᒍ ᐱᔭᕆᐊᖃᕐᑕᕐᓂᒃ. ᐊᖏᓗᐊᖅᑐᑦ ᐊᑐᓗᐊᖅᑎᑦᑎᓲᖑᖕᒪᑕ ᐊᐅᓚᔪᓐᓇᐅᑎᒥᑦ ᐊᒻᒪᓗ ᑮᓇᐅᔭᒥᑦ. ᐅᒃᐱᕆᕕᐅᒡᓘᓐᓃᑦ ᐋᒃᑲᓘᓐᓃᑦ, ᐊᐅᓚᔪᓐᓇᐅᑎᒥᒃ ᐊᑐᕐᓇᖖᒋᓐᓂᖅᓴᖅ ᓂᒡᓕᓇᖅᑎᒋᐊᕐᓗᒍ ᖁᐊᒃᑯᕕᒃ ᐅᕝᕙᓘᓐᓃᑦ ᐃᓗᑦᑕᐃᓐᓇᖅ ᖁᐊᒃᑯᕕᒃ (ᐃᓗᓕᖃᓗᐊᕌᓗᖖᒋᑉᐸᑦ ᐊᓂᖅᓵᕐᕕᖓ ᐃᖏᕐᕋᑦᑎᐊᕈᓐᓇᕐᓂᖅᓴᖅ) ᐃᓗᓕᖃᖖᒋᑦᑐᒥᐅᓂᖅᓴᖅ. ᐃᓗᑐᐃᓐᓇᐃᑦ ᖁᐊᒃᑯᕖᑦ ᐊᑐᕐᓂᖅᓴᐅᓲᑦ ᐊᐅᓚᔪᓐᓇᐅᑎᒥᑦ ᓇᖏᖅᑐᓂᑦ ᖁᐊᒃᑯᕕᖕᓂᑦ, ᒥᑭᓐᓂᖅᓴᒥᑦ ᓂᒡᓕᓇᖅᑐᒥᑦ ᐊᓂᑎᑦᑎᕙᖕᒪᑕ ᒪᑐᐃᖅᑕᐅᔭᕌᖓᑦ.

  7. ᐊᑐᖅᑏᓐᓇᕐᓗᒋᑦ ᖁᐊᒃᑯᕖᑦ ᐊᒻᒪᓗ/ᐅᕝᕙᓘᓐᓃᑦ ᐃᓗᑦᑕᐃᓐᓇᐃᑦ ᖁᐊᒃᑯᕖᑦ ᐱᔭᕆᐊᖃᖅᑐᒥᑦ ᓂᒡᓕᓇᕐᓂᖓᓂᒃ. ᖁᐊᒃᑯᕖᑦ ᓂᒡᓕᓇᕐᓂᕐᒦᖏᓐᓇᕆᐊᖃᖅᑐᑦ 1’C – 3’C, ᐃᓗᑦᑕᐃᓐᓇᐃᑦ ᖁᐊᒃᑯᕖᑦ ᐃᒪᓐᓇᐅᑎᓪᓗᒍ -18’C.

  8. ᒪᒃᐱᖃᑦᑕᖖᒋᓐᓂᖅᓴᐅᒋᐊᕐᓗᒍ ᖁᐊᒃᑯᕕᒃ. ᒪᑐᐃᖅᑕᐅᑐᐊᕌᖓᑦ, ᐆᓇᔪᒃᑐᖅ ᐃᓯᑲᐅᑎᒋᖃᑦᑕᕐᒪᑦ ᐊᒻᒪᓗ ᐊᐅᓚᔪᓐᓇᐅᑎ ᐊᑐᕆᐊᖃᕐᖢᓂ ᓂᒡᓕᒃᑲᓐᓂᕋᓱᖕᓂᖓᓂ.

  9. ᓂᓚᐃᔭᒐᔪᒡᓗᒍ ᐃᖕᒥᖕᓂᒃ-ᓂᓚᓲᑦ ᖁᐊᒃᑯᕖᑦ ᐊᒻᒪᓗ ᐃᓗᑦᑕᐃᓐᓇᐃᑦ ᖁᐊᒃᑯᕖᑦ. ᐊᖏᓂᖅᓴᒥᑦ ᐊᑐᖅᑐᑎᑦᑎᓲᖑᖕᒪᑕ ᐊᐅᓚᔪᓐᓇᐅᑎᒥᒃ ᐃᖏᕐᕋᖁᓪᓗᒍ ᐊᐅᓚᐅᑎᖓ ᓂᓚᒃᓯᒪᓗᐊᖅᑎᓪᓗᒍ.

  10. ᐊᐅᓚᔾᔭᒃᑎᑉᐸᒡᓗᒍ ᖁᐊᒃᑯᕕᒃ ᐊᑕᐅᓯᐊᕐᓗᒍ ᐊᕐᕌᒍ ᒥᓪᓗᐊᕐᓗᒋᑦ ᓱᕈᕈᔪᖏᑦ (ᑭᓯᐊᓂ ᐱᖃᕈᕕᑦ “ᓴᓗᒻᒪᖅᓴᕆᐊᖃᖖᒋᑦᑐᒥᑦ” ᓴᓇᓯᒪᔪᒥᑦ). ᐃᖏᕐᕋᓂᖓ ᓇᐃᓐᓂᖅᓴᐅᖃᑦᑕᕋᔭᖅᑐᖅ ᓴᓗᒪᑎᓪᓗᒍ ᐊᒻᒪᓗ
    ᐊᑐᖖᒋᓐᓂᖅᓴᐅᓗᑎ ᐊᐅᓚᔪᓐᓇᐅᑎᒥᑦ.

  11. ᐊᑐᕐᓗᒍ ᐆᑦᑎᐊᓚᔪᖅ ᐅᕝᕙᓘᓐᓃᑦ ᓯᕋᔭᒃᑎᔾᔪᑎ ᐊᑐᖖᒋᖔᕐᓗᒍ ᐃᒐ. ᐊᑐᖖᒋᓐᓂᖅᓴᐅᔪᓐᓇᖅᑐᖅ 50% ᓂᕿᓕᐅᕐᓗᓂ ᐊᐅᓚᔪᓐᓇᐅᑎᑐᕐᓂᖓ ᐊᑭᖏᓐᓂᑦ.

  12. ᐅᐊᔭᒨᖅᑐᒥᑦ ᐆᓇᖅᑐᓕᐅᕈᑎᒥᑦ ᐊᑐᖔᕐᓗᑎᑦ ᐆᓇᖅᓯᑦᑏᖏᖔᕐᓗᑎᑦ ᐃᒐᐅᑉ ᕐᑳᖓᒍᑦ ᐅᕝᕙᓘᓐᓃᑦ ᐆᑦᑎᐊᓚᔪᒧᑦ. ᓂᕈᐊᕐᓗᑎᑦ ᐃᖕᒥᓂᒃ ᖃᒥᑲᐅᑎᒋᓲᒥᑦ.

  13. ᓴᓗᒻᒪᖅᓴᒐᔪᒡᓗᒍ ᐅᐊᔭᒨᖅᑐᖅ ᐆᓇᖅᓯᑦᑏᔾᔪᑎ ᖃᓛᖅᑐᒧᑦ ᐃᒪᕐᒧᑦ ᐊᒻᒪᓗ ᕕᓂᒐᒧᑦ. ᑖᓐᓇ ᒥᒃᖠᕚᓪᓕᑎᑦᑎᓲᖅ ᓄᐊᑦᑎᓂᕐᒥᑦ ᐅᔭᕋᕐᓂᑦ ᑐᖅᑯᐃᓂᕐᒥᑦ ᒥᒃᖠᒋᐊᖅᑎᑦᑎᓲᖅ ᐊᐅᓚᔪᓐᓇᐅᑎᑐᓗᐊᖏᓐᓂᕐᒥᑦ.

ᐆᒻᒪᖅᑯᑎᑐᕈᓯᕐᓄᑦ ᖃᓄᖅᑑᒐᒃᓴᑦ

ᐊᑐᓗᐊᖅᑕᐃᓕᒋᐊᕐᓗᑎᑦ ᐃᒪᕐᒥᑦ ᐋᖅᑭᒡᓗᒋᑦ ᑯᑐᒃᑐᑦ ᐊᒻᒪᓗ ᓴᓂᐊᒍᑦ ᑯᕕᔪᑦ.